Bishkekte eki qyzdy úıdiń jertólesinde kúshtep ustap, jezókshelikpen aınalysýǵa májbúrlegen dep habarlaıdy kloop.kg. Ol boıynsha qylmystyq is qozǵaldy. Mamandar sońǵy kezderi jezókshelikpen aınalysýǵa májbúrleý boıynsha oqıǵalar jıilep ketkenin aıtady. Polısıanyń málimetinshe, qyzdardyń jasy 16 jáne 18-de.

Qyzdardy jezókshelikpen aınalysýǵa májbúrlegen 38 jasar áıeldiń bes jasar balasy baryn eskerip oǵan qaraıtyn adam bolmaǵannan keıin úı qamaqta otyr. Áıeldiń basqa da qylmystyq isterge qatysy bar, joǵy tekserilip jatyr.

Qyzdardy «Archa-Beshıktegi» jańa salynǵan úılerdiń birindegi jertólede ustaǵan. Kámelet jasqa tolmaǵan qyzdy ata-anasy alyp ketti.   Aıyptalyp otyrǵan áıel buryn ózi de jezókshelikpen aınalysqan eken.

Qyrǵyzstanda qyzdardy túrli joldarmen qaqpanǵa túsiredi. Olardyń arasynda jalǵyzbasty analar, aldanǵan áıelder de bar. Keıbirin májbúrleıdi. Endi biri oqýǵa aqsha tapqysy keledi.

Mamandar, 10-15 jyl buryn jezókshelikpen aınalysqan áıelder endi jas qyzdardy ıntımdi qyzmet kórsetýge tartatynyn aıtady. Resmı emes aqparatqa sáıkes jezókshelikpen aınalysatyn áıelderdiń sany 10 esege ósken.

«Sezim» atty daǵdarys ortalyǵy quldyqqa túsken áıeldermen, alaıaqtardyń qurbandarymen jáne jezókshelikpen aınalysýǵa májbúrlegen áıeldermen jumys isteıdi. Ortalyqty qurǵan Býbýsara Ryskýlova, atalmysh salamen týys qyzdaryn aınalysýǵa májbúrleıtin kezder de bolǵanyn aıtady.

Bishkek qalasynyń İİB málimetinshe 173 sýtener men 3124 ıntımdi qyzmet kórsetetinder  tirkeýde tur.

«Ár tekseristen keıin biz qyzdardy basqarmaǵa alyp kelip, saýsaqtarynyń izin alyp, fotoǵa túsiremiz» deıdi İİB qyzmetkerleri.

Statısıkalyq málimetke saı, VICH-tiń 30%  ıntımdik qyzmet kórsetetin adamdar taratady eken.