Reseıdiń bedeldi qarjy sarapshylarynyń biri, «Alparı» kompanıasynyń aǵa sarapshysy Anna Bodrova 2017 jylǵy «dollar-teńge» dýetiniń aıyrbastaý dálizine qatysty boljamdaryn aıtty. Bul týraly QazAqparat jazdy.

«2017 jyly AQSH dollary qazaqstandyq teńgeden aıtarlyqtaı basym bolady, biraq bul teńgege turaqty qysymdy bildirmeıdi. Dollardyń ortasha quny kelesi jyly 310-380 teńge bolady. Naryqtyń bul dálizi túsinikti jáne barshaǵa aıan. Eýro 335-410 teńge kóleminde qalady», - dedi Bodrov. Sonymen birge onyń aıtýynsha, ınflásıalyq ahýal qoldanystaǵy konúnktýrada damıtyn bolady. Tutynýshylyq baǵa ındeksi birte-birte tómendeıdi jáne jyl qorytyndysy boıynsha 6% quraıdy. Jáne ol aqshany qandaı valútada saqtaý keregin aıtty. «AQSH dollaryn alýda naqty maqsat bolýy tıis. Eger maqsat jeke jınaǵyńyzdy toltyrý bolsa, kýrsty baqylap, teńge turaqtanǵan kezde ǵana USD satyp alǵan jón. Eger syrtqy jaǵdaı kútpegen tosynsyılar ákelmese, kýrstyq qubylmalylyq birqalypty bolýy múmkin. Qazir, valútalar men shıkizattyń stressi joq kezde, jeke jınaq sebeti óz kelbetin ózgertedi. Onda shamamen 60% AQSH dollary, 30% teńge, qalǵany eýro men qolma-qol aqsha bolýy múmkin», - dep esepteıdi Anna Bodrova.

Aıta keter bolsaq, bıylǵy jyly Qańtar aıynda dollarǵa shaqqanda teńge baǵamy 380 teńge shamasyna deıin qunsyzdanǵan bolatyn.