Qyrǵyzstan prezıdenti Almazbek Atambaev Peterbýrgte ótken Eýrazıalyq ekonomıkalyq odaqtyń samıti qorytyndysy boıynsha uıymnyń Kedendik kodeksi men saýda sattyqty damytý málimdemesine qol qoıýdan bas tartty. Bul jóninde Eýrazıalyq ekonomıkalyq komısıa alqasynyń tóraǵasy Tıgran Sarkısán málimdedi.
Peterbýrgtegi samıtte bes el ortaq qujatqa qol qoıýýy kózdelgen. Belorýssıa prezıdenti Aleksandr Lýkashenko samıtke kelmedi.
Eýrazıalyq ekonomıkalyq odaqqa – Armenıa, Belorýssıa, Reseı, Qazaqstan jáne Qyrǵyzstan kiredi. Ujymdyq qaýipsizdik jónindegi kelisimder Uıymynyń samıtinde bas hatshyny taǵaıyndaýy qajet edi.
Reseı prezıdentiniń baspasóz hatshysy Dmıtrıı Peskov Belorýssıa prezıdentiniń EEO pen UQKU samıtterinde bolmaýy ıntegrasıaǵa qatysty suraqtardy talqylaýǵa esh kedergisin keltirmeıdi degen edi. Peskov, qol qoıylýy kerek qujattar belorýstik seriktestermen kelisilgenin jetkizdi. Onyń sózinshe qujattar Lýkashenkoǵa jiberiledi.
