Máskeýde ótken Parlamenttik jınalysynda Odaqtyq elderdiń qarjylyq qoryna daýys berý josparlanǵan. Belorýsıanyń Ulttyq jınalysynyń Palata ýákilettiliginiń tóraǵasy Vladımır Andreıchenko Eýrazıalyq ekonomıkalyq odaqtyń qajetti deńgeıde jumys istemeıtinin aıtty dep habarlaıdy by24.org.

«Eýrazıalyq ekonomıkalyq odaq bizdiń múddemizdi oılamaıdy. 2015 jyly 1 qańtarda EEO qurylǵaly beri birde-bir salmaqty ekonomıkalyq sheshimder qabyldanbady. Dári-dárimek naryǵyna qatysty qujattarǵa qol qoıyldy. Alaıda onyń ózi bir jylǵa keshikti. Ókinishke oraı, ol tájirbıe júzinde iske aspady da. Ekonomıkalyq odaq taza saıası jobaǵa aınalǵandaı áser qaldyrady. Qolymyzdy júregimizge qoıyp, ózimizden suraıyqshy, bizdiń qarym-qatynasymyzda barlyǵy durys pa? Qazirgi jumys jaǵdaıy kóńilden shyǵa ma? Absolútti túrde joq!» dedi Vladımır Andreıchenko.

Sonymen qatar V.Andreıchenko Belorýssıa men Reseıdiń qazirgi máselelerine de toqtaldy.

«Belgili bolǵandaı EEO qurý bizdiń el úshin tıimdi bolmady. Onyń sebebi kóptegen eki jaqty saýdadaǵy qıyndyqtar. Eýrazıalyq ekonomıkalyq odaq aıasynda Belorýssıa men Reseı arasynda gaz baǵasy birdeı bolady degen sheshim qabyldanǵan edi. Alaıda ol qaǵaz júzinde qalyp qoıdy. Nátıjesinde Belorýssıa ekonomıkasynyń sońǵy 10 jyldaǵy salmaǵy 15 mıllıard dollardy qurady».

Sonymen qatar Vladımır Andreıchenko reseılik BAQ Belorýssıany Reseıdiń arqasynda kún kórip otyrǵan el retinde kórsetip otyrǵany unamaıtynyn da jetkizdi. Bul jaǵdaılar ıntegrasıalyq máselelerge jaǵymsyz áser etip, onyń jumysyn tejeıdi dep esepteıdi.

Jaqynda belorýsstik bılik «Regným»  aqparat agenttiginiń 3 reseılik avtoryn tergeý ızolátoryna jibergenin esterińizge salamyz. Olar «Belorýssıa Reseıdiń bir bólshegi, al olardyń tilderi orystardyń dıalektisi» dep jazǵan bolatyn.

Belorýssıa prezıdenti Aleksandr Lýkashenko alǵash ret EEO pen UQKU otyrystaryna qatyspady.