Elbasymyz N.Á.Nazarbaev: - «Eń bastysy, tatý-tátti yntymaǵy jarasqan kóp ultty halqymyz bar. El degende, jer degende – bilegin sybanyp, iske daıyn turǵan azamattarymyz bar» - dep atap ótken bolatyn. Eldiń de jerdiń de ataq abyroıyn eńbek adamdary shyǵaratyndyǵy belgili. 

Arys qalasynyń ákimi Murat Bolatuly: - «Naǵyz eńbek adamy eldiń baıandy baǵy. Bizdiń aldymyzda turǵan mindet te eńbek etemin degenge qyzmet berip, eńbek adamdarynyń abyroıyn asqaqtatý bolyp tabylady» -dedi.

Búgin Arys qalasynda ótken «Altyn kúz – 2016» merekesinde aýyl sharýashylyǵy ónimin óndirýde joǵary nátıje kórsetkeni úshin «Bas júldeni» Montaıtas aýyldyq okrýg ákimdigi jeńip aldy. Jeńimpazǵa sý jańa «Nıva» avtokóliginiń kilti saltanatty jaǵdaıda tabys etildi.

Sondaı-aq, Táýelsizdiktiń 25 jyldyǵyna arnalǵan qalalyq «Mádenıetim maqtanyshym» óner festıvalinde qala, aýyl ónerpazdary ózderiniń konserttik baǵdarlamalary men kórmelerin halyqqa usynǵan bolatyn. 

Qos merekeniń qýanyshty sátinde «Mádenıetim maqtanyshym» óner festıvaliniń jeńimpazdaryna qurmet kórsetildi.

«Bas júldege» tigilgen «Granta» avtokóliginiń kilti Jıdeli aýyldyq okrýginiń ónerpazdaryna tabystaldy. Sondaı-aq, úzdik óner ujymdary men ónerpazdaryn «Alǵys hatpen» jáne baǵaly syılyqtar tapsyryldy.

Arys qalasy ákiminiń baspasóz qyzmeti.