Ońtústik Qazaqstan oblysynyń turaqtandyrý qoryndaǵy azyq-túlikter Shymkent qalasynda senbi jáne jeksenbi kúnderi ótetin jármeńkede, oblystyń aýdandary men qalalarynda satylýda.

Turǵyndardy áleýmettik taýarmen qamtý jáne baǵany qoldan kóterý syndy jaıttardy joıý maqsatynda qurylǵan turaqtandyrý qory arnaıy qurylǵan komısıanyń sheshimi boıynsha taýarlardyń kelesi baǵada berilip jatqandyǵyn habarlaıdy.

Atap aıtqanda, kartop pen sábiz 30-35 kelige deıin 1 kelisin 65 teńgeden, al qumshekerdiń kelisi – 220, kúnbaǵys maıy 1 lıtri – 350, 5 lıtri – 1750 teńgege, 50 keli joǵary sortty un – 3600 teńgege saýdalanyp otyr.
Aıta keteıik, Shymkentte senbi kúni jármeńke Mádeli Qoja kóshesindegi «Qajymuqan» stadıonynda al, jeksenbi kúni Arǵynbekov kóshesi, «Rahıma Plaza» oıyn-saýyq kesheninde ótedi.

Turaqtandyrý qorynyń satý boıynsha menedjeri Ramazan Esenbaevpen baılanysqa túsken edik. «Turaqtandyrý qory men ákimshiliktiń kásipkerlik bólimi uıymdastyryp otyrǵan shara senbi, jeksenbi uıymdastyrylatyn jármeńkemen shektelmeıdi. «Kúltaı ana» jáne «Qaplanbek» bazarlarynda mobıldi mashınamyz jeti kún boıy jumys jasaıdy. Jármeńkege bara almaı qalǵandar bazarǵa kelip, tómendetilgen baǵada áleýmettik taýarlardy satyp alýyna múmkindigi bar. Kóbinese bizdiń taýarlardy áleýmettik jaǵdaıy tómen otbasylar men zeınetkerler kóptep alady. Keıbireýi jetkizip beresizder me dep te surap jatady. Ókinishke oraı, bizde ondaı qarastyrylmaǵan. Kez kelgen suraq boıynsha mashınaǵa japsyrylǵan jarnamadaǵy nómirlerge qarap habarlasa alady» deıdi Ramazan.

Ramazan Esenbaev: +7 (7252) 99-70-98, +7 701 505-12-88. Meken-jaıy: Shymkent q., Qonaev gúlzary №48 («Ońtústik» bıznes-ortalyǵy), kabınet 15.