Fınlándıada árbir bala kótergen anaǵa onyń tabysyna, otbasylyq jaǵdaıyna qaramastan memleketten sábıge qajetti zattarmen jabdyqtalǵan arnaıy qorap beriledi.

Ol jınaqqa balarlarǵa arnalǵan jórgek, kombınezon, qolǵap, jaıalyq jáne kóptegen qajetke jaraıtyn zattar kiredi. Alaıda, jas analar qoraptyń ózin balalarǵa arnalǵan tósek retinde paıdalanady.

Oǵan qosa, Fınlándıadaǵy bala óliminiń kórsetkishi tómen bolýynyń bir sebebi sábı ómiriniń alǵashqy jyldarynda dál osy qorapty tósek oryn retinde paıdalanǵandyqtan degen pikirler de bar.

Fınlándıanyń bıligi sábılerge arnalǵan qorapty 1938 jyldan beri taratyp keledi. Alǵashynda olar tek turmysy tómen otbasylarǵa taratylatyn bolǵan, keıinnen 1949 jyly barlyq qoǵamǵa, ál-aýqatyna qaramastan úlestiretin boldy.

1930 jyly Fınlándıa kedeı memleketterdiń biri bolǵan jáne sábı óliminiń kórsetkishi óte joǵary boldy: 1000-nan 65 sábı jasyna jetpeı shetinep ketetin. Alaıda bul qaıǵyly statısıka tez arada jaqsy jaǵynan ózgere bastady.

Qorapshany poshta bólimshelerinde tegin beredi

Qorap qaptamasyz osylaı kórinedi

İshinde mynalar bar

Qorapta eki kombınezon, bas kıim, qolǵap bar

Jáne osyndaı bala oraýǵa arnalǵan jyly jórgek bar

Sondaı-aq qorapta ártúrli bas kıimder, shulyq jáne kolgotkıler bar. Bólek qorapshada kitapsha, oıynshyqtar, jáne balalarǵa arnalǵan gıgıenalyq taýarlar bar.

Odan bólek jaıalyq, oramal jáne kóptegen balalar kıimi bar. Barlyǵy genderlik beıtarap túste tańdalǵan. Qoraptyń eń tómengi betinde qorapty tósek retinde paıdalanýǵa arnalǵan arnaıy matras bar.

Bul jas analardyń onsyz da mashaqaty kóp ata-analyq jolynda qoldaý bildirý úshin óte jaqsy ıdeıa bolyp tabylady. Al eń qajetti zattar bir qorapshanyń ishinen tabyla ketse, ata-analar úshin úlken jeńildik bolmaq.