Aǵaıyn, týǵannan, dostardan kómek joq,

Súıener eshkimiń Jalǵanda, demek joq...

Qamshynyń sabyndaı tym qysqa ǵumyrda,

Túsinseń, pendege kóp nárse kerek joq...

Jumysy,isher as, kıetin kıimi,

Júrýge, turýǵa jeterlik tıyny,

Basynda baspana, turatyn óz úıi,

Tek osy, pendege keregi jıyny.

Adamsyń aldymen jaqsy bol, jaman bol,

Sen qandaı jaǵdaıda aldymen adam bol.

Baılyqtan kózińdi maı menen shel bassa,

Degen sóz bul tóte - baıýǵa barar jol...

Shirigen baı boldyń, taǵyń bar astyńda,

Shirendiń, shalqydyń, sen, asyp, tastyń da.

Keshegi músápir kúnińdi umyttyń,

Bolǵan soń eldegi sen jalǵyz bas tulǵa...

Toımaıdy ol, kún-túni obady, asaıdy,

Ózine qaptaǵan eskertkish jasaıdy...

Minekı, baılyq pen astaǵy altyn taq –

Onsyz da sorlydan tek sorly jasaıdy...

Jumash Kókbóri, 27.12.2016 jyl.