Izraıl premer-mınıstri Bınámın Netanánhý jáne onyń otbasy kásipkerlerden 100 myń shekelge baǵalanatyn  syılyq jáne para aldy degen kúdikpen suralatyn boldy dep habarlaıdy rbc.ru.  Izraıl polısıasy premer-mınıstrdi 3 kúnniń ishinde bólimshege shaqyrady. Eki tarap kelisip, dúısenbi kúni premer-mınıstr jaýap berýge polısıa bólimshesine keledi dep kútilýde.

Polısıanyń málimetinshe olardyń qolynda Izraılde jáne basqa da elde turatyn kásipkerlerdiń jaýaptary bar. Olardyń biri amerıkandyq kásipker Ron Laýder. Ol premer-mınıstrge kostúm jáne Bınámın Netanánhýdyń balasyna shet elde saıahat uıymdastyryp bergenin moıyndady. Alaıda polısıa berilgen syılyqtyń mólsheri kásipkerdiń aıtqanynan da kóp ekenine senimdi. Sonymen qatar jergilikti polısıa tekseris barysynda Izraıl premer-mınıstriniń basqa da qylmysy áshkerelenedi degen oıda.

Bınámın Netanánhý barlyq aıypty joqqa shyǵaryp otyr.