Shahtınsk qalasynyń mańyndaǵy Shahan aýylynda qulaǵan kóp qabatty úıdiń turǵyndaryna materıaldyq kómek kórsetiletin boldy. Bul týraly Qaraǵandy oblysy ákimdiginiń baspasóz qyzmeti habarlady.

«Qazirgi tańda apattyń oryn alý sebebin anyqtaý jáne saldaryn joıý, sonymen qatar, búdjetten zardap shekken otbasylarǵa qarjylaı kómek kórsetý maqsatynda arnaıy komısıa qurylǵan. Apatta qaıtys bolǵandardyń otbasyna  mıllıon teńgeden jáne jaraqat alǵandarǵa 500 myń teńgeden   materıaldyq kómek kórsetý, qaza tapqan azamattardy jerleý jumystaryn júrgizý baǵytynda jekelegen jumystar atqarylady. Respýblıka deńgeıinde komısıa qurylady. Biz İİM-ne oqıǵanyń jaı-japsaryn tolyq anyqtaýy úshin komısıa quramyna arnaıy mamandardy engizý týraly óz usynysymyzdy bildirdik", - dedi aımaq basshysy.
Oblys ákiminiń orynbasary Andreı Lápýnov 2015 jyly oblys ákimdigi tarapynan Shahan qalasyndaǵy jylytý júıesin ortalyqtandyrý týraly ótinishti ulttyq ekonomıka mınıstrligine joldaǵanyn aıtyp ótti.
Qazirgi tańda úıindini arshý jumystary jalǵasýda. Ókinshke qaraı, adam ólimi oryn aldy. Úıindi astynan 9 adamnyń máıti shyǵaryldy. Apat oryn alǵan úıden 118 adam qaýipsiz aımaqqa kóshirildi, TJ oryn alǵan jerden 6 adam qutqaryldy. Úıindi arshý jumystaryna 280 adam jumyldyryldy. İzdeý jumystary jalǵasýda.