El bıligindegi azamattardyń qaı-qaısysynyń da tegin jerden shyqpaǵany anyq. Biraq solardyń arasynda ákeleri kóberek tanymal sheneýnikter týraly aıta ketkendi jón kórdik.

caravan.kz medıa-portalynyń redaksıasy úkimet pen parlamentte qyzmet atqaryp júrgen jáne buryn istegen biraz azamattyń ómirbaıanyna qaıtadan kóz júgirtip shyqty. Qarap otyrsaq, olardyń kóbiniń ákeleri jazýshylyqpen tanylǵan.

Qasym-Jomart Toqaev

Qasym-Jomart Kemeluly Toqaev – QR Parlamenti Senatynyń tóraǵasy. Buryn premer-mınıstr, syrtqy ister mınıstri, memlekettik hatshy, Birikken Ulttar Uıymy bas hatshysynyń orynbasary qyzmetterin atqarǵan. 1953 jyly Almatyda týǵan.

Ákesi Kemel Toqaev (1923-1986) qazaqtyń belgili jazýshysy bolǵan. 1941-45 jyldardaǵy soǵysqa qatysqan. Jazýshylar odaǵyndaǵy málimet boıynsha, «Lenınshil jas» (qazirgi «Jas Alash»), «Qazaqstan pıoneri» (qazirgi «Ulan»), «Sosıalısik Qazaqstan» (qazirgi «Egemen Qazaqstan») gazetterinde jaýapty qyzmetter atqarǵan Kemel Toqaevtyń Keńes chekıseri taqyrybyna jazǵan onnan astam kitaby qazaq jáne orys tilderinde jaryq kórdi. «Qyzyl komısar», «Qylmysker kim?» jáne «Sıqyrly syrlar» dep atalatyn pesalardyń da avtory.

Erlan Ydyrysov

Erlan Ábilfaıyzuly Ydyrysov – QR syrtqy ister mınıstri. Ár jyldary Qazaqstannyń Ulybrıtanıa jáne Soltústik Irlandıadaǵy, Shvesıa, Norvegıa jáne Irlandıadaǵy (2002-2007 j.j.), AQSH-taǵy, Brazılıadaǵy (2007-2012 j.j.) tótenshe jáne ókiletti elshisi boldy. 2016 jyldan bastap QR Prezıdenti janyndaǵy Sheteldik ınvestorlar keńesiniń múshesi. 1959 jyly Qaraǵandy oblysyndaǵy Qarqaraly qalasynda týǵan.

Ákesi Ábilfaıyz Ydyrysov (1930 j.t.) – jazýshy-jýrnalıst, pedagog, tarıh ǵylymynyń kandıdaty. Ol qazirgi jýrnalısıkanyń aǵa jáne orta býyny arasynda keńinen tanymal. Óıtkeni Ábilfaıyz aǵa ózi támamdaǵan QazMÝ (qazirgi QazUÝ) jýnalıstıka fakúltetinde 30 jylǵa jýyq ustazdyq etti. Ol gazet bezendirý, polıgrafıa isi, maqalalardy óńdeý jáne redaksıalaý sheberligine baılanysty 20-ǵa tarta ádistemelik qural men oqýlyq jazyp shyǵardy. Á.Ydyrysovtyń qalamynan kóptegen ǵylymı-zertteý kitaptary, derekti esse, hıkaıattarmen qatar «Aıjannyń ǵashyǵy» (1965), «Berik» (1994), «Ańsaǵan meniń ánimsiń» (2000), «Aqsúıek», «Ker buzaýdyń ólimi» (2004) povesteri, «Tańsholpan» romany (2005) jaryq kórdi.

Erlan Saǵadıev

Erlan Kenjeǵalıuly Saǵadıev – QR bilim jáne ǵylym mınıstri. Kóp ýaqyt bıznespen aınalysqan ol úkimetke 2012 jyly premer-mınıstrdiń keńesshisi retinde kelgen. Odan keıin ındýstrıa jáne jańa tehnologıa vıse-mınıstri (2014), ınvestısıa jáne damý vıse-mınıstri (2014-2015) qyzmetterin atqardy. 1966 jyly týǵan (týǵan jeri kórsetilmegen).

Ákesi Kenjeǵalı Saǵadıev (1938 j.t.) – elimizdiń belgili saıası qaıratkeri. Parlament Májilisiniń 3-shi jáne 4-shi shaqyrylymdaryndaǵy depýtaty bolǵan. Túrli joǵary oqý oryndaryn, elimizdiń ulttyq Ǵylym akademıasyn (1994-1996) basqardy. Ekonomıka ǵylymdarynyń doktory, profesor.

Qaırat Kelimbetov

Qaırat Nematuly Kelimbetov – belgili memleket qaıratkeri, «Astana» halyqaralyq qarjy ortalyǵyn basqarýshy. Ekonomıka jáne búdjettik josparlaý mınıstri (2002-2006), Prezıdent ákimshiliginiń jetekshisi (2008), ekonomıkalyq damý jáne saýda mınıstri (2011-2012), premer-mınıstrdiń orynbasary (2012-2013), Ulttyq bank tóraǵasy (2013-2015) qyzmetterin atqardy. 1969 jyly Almatyda týǵan.

Ákesi Nemat Kelimbetov (1937-2010) – ádebıettanýshy, prozashy, aýdarmashy. Onyń «Úmit úzgim kelmeıdi» kitabyna IýNESKO aıasyn­daǵy eń mereıli marapattardyń biri – Eýro­panyń Frans Kafka qoǵamynyń nagradasy berilgen. N.Kelimbetovtiń qazaq áde­bıetiniń baıyrǵy bastaý-bulaq­taryn zertteýdegi eńbegi de eresen. Bul turǵyda «Qazaq ádebıetiniń ejelgi dáýiri» (1986), «Ejelgi dáýir ádebıeti» (1991), «Ejel­gi túrki poezıasy já­ne qazaq ádebıetindegi dás­túr jal­ǵastyǵy» (1998), «Qazaq áde­bıeti bastaýlary» (1998), «Ejelgi ádebı jádigerlikter» (2005) sıaqty kitaptary bar. L.Gýrýnstyń «Shirkin, bizdiń Shýshıkent», V.Koza­chenkonyń «Naı­­zaǵaı», S.Ahmadtyń «Kók­jıek», P.Qadyrovtyń «Juldyzdy tún­der» ro­mandaryn tárjima­laǵan.

Ardaq Dosjan

Ardaq Dúkenbaıuly Dosjan – Islam mádenıeti men bilimin qoldaý qorynyń basqarma tóraǵasy. QR mádenıet, aqparat jáne qoǵamdyq kelisim vıse-mınıstri (2001-2003), aqparat vıse-mınıstri (2003-2004), mádenıet, aqparat jáne sport vıse-mınıstri, mádenıet jáne aqparat vıse-mınıstri (2004-2006), Prezıdent ákimshiligi áleýmettik-saıası bóliminiń meńgerýshisi (2006-2008), Ádilet mınıstrligi Din isteri komıtetiniń tóraǵasy (2008-2010), Mádenıet mınıstrligi Din isteri komıtetiniń tóraǵasy (2010-2011) qyzmetterin atqarǵan. 1964 jyly Almatyda týǵan.

Ákesi Dúkenbaı Dosjan (1942-2013) – qazaqtyń áıgili jazýshysy. «Otyrar» (1965), «Farabı» (1965), «Jibek joly» (1973) shyǵarmalary arqyly «tarıhı taqyryptyń pıoneri» (M.Shahanov) ataldy. Ulttyq qaýipsizdik komıtetiniń alpys jyldaı jabýly muraǵatyna alǵash bop kirgen Dúkenbaı Dosjan nátıjesinde sot qujattary jelisimen «Abaqty» (1992) jáne jeltoqsan qyrǵynynyń qandy izimen «Alań» (1993) dereknama kitaptaryn jazdy. Sondaı-aq, «Zaýal» (1970), «Darıa» (1975), «Tabaldyryǵyńa tabyn» (1980), «Jolbarystyń súrleýi» (1984), «Kisi aqysy» (1978), «Muhtar joly» (1988), «Abaı aınasy» (1994), «Alyptyń azaby» (1997) atty kitaptary jaryq kórgen. Jalpy, D.Dosjan proza salasynda ónimdi eńbek etip, 8 roman, 18 poves, 100-den astam áńgime jazdy.

Baqytjan Saǵyntaev

Baqytjan Ábdiruly Saǵyntaev – QR premer-mınıstri.  Tabıǵı monopolıalardy retteý jáne básekelestikti qorǵaý agenttigi tóraǵasynyń birinshi orynbasary (2002-2004), Tabıǵı monopolıalardy retteý agenttiginiń tóraǵasy (2004-2007), premer-mınıstr keńsesiniń basshysy (2007-2008), Pavlodar oblysynyń ákimi (2008-2012), ekonomıkalyq damý jáne saýda mınıstri (2012), «Nur Otan» HDP tóraǵasynyń birinshi orynbasary (2012-2013), premer-mınıstrdiń birinshi orynbasary - óńirlik damý mınıstri (2013-2014), premer-mınıstrdiń birinshi orynbasary qyzmetterin atqardy (2014-2016). 1963 jyly Jambyl oblysy Talas aýdanynyń Úsharal aýylynda týǵan.

Ákesi Ábdir Saǵyntaev (1921-1986) Sosıalısik Eńbek eri bolǵan. Mamandyǵy – zootehnık agronom. «Talas» memlekettik asyl tuqymdy mal zaýytyn 30 jylǵa jýyq (1957-1985) basqarǵan ol óz óńirinde (Jambyl oblysy) asa tanymal edi. KSRO Joǵarǵy Keńesiniń depýtaty bolǵan.

Jeńis Qasymbek

Jeńis Mahmutuly Qasymbek – QR ınvestısıa jáne damý mınıstri. Kólik jáne komýnıkasıa mınıstrliginde túrli qyzmet atqaryp, osynda mınıstr (2014) dárejesine deıin kóterilgen. Sosyn ınvestısıa jáne damý mınıstriniń birinshi orynbasary (2014-2016) boldy. 1975 jyly Jambyl oblysyndaǵy Shý qalasynda týǵan.

Ákesi Mahmut Qasymbekov – QR prezıdenti keńsesiniń basshysy, saıasattanýshy. Negizgi mamandyǵy – ekonomıs. Ol ǵylymı ortada tanymal. 100-den astam ǵylymı maqala jarıalaǵan M.Qasymbekov – 25-ke tarta kitaptardyń avtory, telavtory jáne qurastyrýshysy. Qazaqstan Respýblıkasynyń ǵylym, tehnıka jáne bilim salasyndaǵy Memlekettik syılyǵynyń ıegeri.