Tamara Prosvırına esimdi qart 1996 jyly qudyqqa sý alýǵa barady. Qaraǵaıdyń astynan beımálim janýardy taýyp alyp, úıine alyp keldi. Oǵan Aleshenka degen at qoıǵan. Bir aıdan keıin qart kisini aýrýhanaǵa alyp ketti. Tamara Prosvırınaǵa «shızofrınıanyń asqynǵan túri» degen dıagnoz qoıdy. Osydan keıin Aleshenka Vladımır Bendlın esimdi polısıanyń qolyna túsedi. Ol beımálim jaratylysty frontaldy máselerdi zertteıtin Juldyzdy akademıanyń sektant-ýfologtaryna bergen. Vladımır Bendlınniń aıtýynsha ýfologtar saraptama júrgizemiz dep ýáde bergen. Bendlıdiń kórshileri Aleshenkany sektanttarǵa satyp jibergenin aıtady. Sodan beri mýmıany eshkim kórmegen.
«Komsomol» jýrnalıseri Qyshtymǵa túsiniksiz jaratylystyń anasyn izdep bardy. Zertteýshiler Aleshenkanyń shyn mánisinde kim ekeni jóninde óz qorytyndysyn jasap ta úlgerdi.
«Komsomol» jýrnalıseri Qyshtym aýrýhanasyndaǵy dáriger Igor Ýskovpen kezdesti. Ol Aleshenkany óz kózimen kórgen. Oǵan ony jergilikti polıseı Bendlın kórsetken eken. Ol kezde dáriger ony aı, kúnine jetpegen uryq ekenine senimdi bolǵan. Al polıseı bolsa Aleshenkany ustap turyp, joǵaryǵa qarap ózdiginen kúlimsirep turǵan dep eske alady Igor Ýskov.
Biz Ýskovtan 1995-1996 jyldary bala kótergenderdiń medısınalyq kartasyn qaraýdy suradyq (syrtqy kelbetinen Aleshenka 5-6 aılyq uryq). Alaıda tekseris barysynda 20 jyl buryńǵy aqparattar saqtalmaǵany belgili boldy. Zań boıynsha ol 25 jylǵa deıin saqtalýy tıis edi. Ýskovtyń aıtýynsha 5 jylǵa deıingi ǵana esep saqtalǵan. Biraq dáriger Aleshenkanyń anasy tirkeýge turmaǵanyna senimdi.
«Meniń jubaıym áıelder keńesiniń meńgerýshisi. Eger bala ananyń qursaǵynda jatqandaı qandaı da bir aýytqýshylyq bolsa, áıelim mindetti túrde bilýshi edi. Tipti oblystyq Densaýlyq saqtaý mınıstrligine habar jetken bolar edi. Sondyqtan balany anasy qalamaǵan. Sol sebepti esepke de turmady».
Jýrnalıser Qyshtymǵa tergeý komıtetinen kelgen hatty zertteı bastady. Onda bylaı dep jazylǵan. «1996 jyly túsik bolǵan. Iaǵnı tirshilik ete almaıtyn embrıon. Ol tolyq qandy bala emes. Sondyqtan qosymsha tekserýdiń qajeti joq» dep jazylǵan.
Alaıda 100 paıyzdyq senimdilikpen qyshtymdyq ergejeıli – túsik dep aıta almaımyz.
Jýrnalıser belgisiz jaratylys tabylǵan jerge bardy. Qudyqtyń jan-jaǵy ınemen temekige toly. Jergilikti aqsaqal nashaqorlar iship alǵannan keıin Qyshymda saıran qurady. Osydan keıin túrli Aleshalar dúnıege keledi deıdi qart.
«1996 jyldary oqýshy qyz eki qabat bolyp, halyq biraz shýlaǵan. Biraq joǵary synyp oqýshysy balany bosanbaǵannan keıin barlyq ósek sap tıyldy. Múmkin Aleshenka degen sol qyzdyń tastandy balasy shyǵar» dep óz boljamymen de bólisti.
Jalǵasy bar!
Derekkóz: kp.ru
