«Qyz Jibek» fılmin túsirý barysynda ejelgi rýna jazýlaryn kórsetý qajet bolady da, Quman Tastanbekov tasqa ózi qashap jazady. Keıinnen ony ǵalymdar taýyp, ejelgi rýna jazýy dep dáleldegen. Tipti, 1972 jyly qoıtastardy Almatyǵa ákelip, kórme uıymdastyrylǵan, - dep habarlaıdy  bmtv.kz 

Belgili jýrnalıs Nurlan Sońǵybaıuly facebook-tegi paraqshasynda jazylǵan bul derek kim-kimdi de tań qaldyrary sózsiz.

«Qyz Jibek» fılmi túsirilgennen keıin araǵa 4-5 jyl sala adam tańqalarlyq ári kúlkili qyzyq jaǵdaı boldy. Osy kınotýyndy túsirilgen alań mańyndaǵy aýyl turǵyndary: «Bizdiń aýyldan mynadaı bilezik, mynadaı saýyt» tabyldy dep «jádigerlerdi» murajaıǵa tapsyra bastapty.

Jaraıdy qarapaıym aýyl qazaǵyna keshirimmen qaraýǵa bolady ǵoı. Taýyp alǵan «jádigerin» jańalyqqa balap, aýdanǵa aparyp tıisti orynǵa tapsyrǵan shyǵar.

Eń masqarasy, osy jerde ǵalymdar shatysyp «sensasıa» jasap jiberdi.

Almaty oblysynda rýna jazýlary tabylyp, Ǵylym Akademıasynyń birneshe ǵalymy «bul eski jazýlar» dep qorytyndy jasaǵasyn úlken jańalyqqa aınalyp shyǵa keldi. KSRO boıynsha ortalyq gazetter maqala, telearnalar baǵdarlama túsiredi. Ol qoıtastardy 1972 jyly Almatyǵa saltanatty túrde jetkizip, qala kóshelerinde halyq  tamashalaýǵa jınalyp, aýqymdy shara ótken.

Sóıtse, keıin belgili bolǵandaı bul rýna jazbalary san ǵasyrlardyń emes «Qyz Jibek» fılmin túsirýge kerek detal retinde ǵana tasqa qashalyp jazylǵan. Tómendegi vıdeodan sol tastaǵy jazbalardyń birin Tólegen rólinde oınaǵan Quman Tastanbekovtyń ózi qashap jazǵanyna kózińiz jetedi.