Memleket basshysynyń Qaýlysymen búgin Qazaqstan Respýblıkasy İshki ister mınıstrliginiń Kóshi-qon qyzmeti komıteti quryldy, dep jazady Aqordanyń resmı saıty.

«Qazaqstan Respýblıkasynyń Densaýlyq saqtaý jáne áleýmettik damý mınıstrligi Qazaqstan Respýblıkasynyń İshki ister mınıstrligine oralmandar men qonys aýdarýshylardy qabyldaýdyń óńirlik kvotalaryn, sheteldik jumys kúshin tartýǵa arnalǵan kvotany qalyptastyrý jónindegi usynystardy ázirleý jáne Qazaqstan Respýblıkasynyń Úkimetine engizý, Qazaqstan Respýblıkasynyń zańnamasyna sáıkes kóship-qonýshylardy áleýmettik qorǵaýdy qamtamasyz etý, eńbekshi kóship-qonýshylar men etnıkalyq qazaqtardyń biryńǵaı derekqoryn qalyptastyrý, quzyreti sheginde Qazaqstan Respýblıkasynyń halyqtyń kóshi-qony týraly zańnamasynyń saqtalýyn baqylaý jónindegi fýnksıalar men ókilettikterdi qospaǵanda, kóshi-qon salasyndaǵy memlekettik saıasatty vedomstvoaralyq úılestirý jáne iske asyrý, kóshi-qon prosesterin monıtorıńteý, taldaý jáne boljamdaý salasyndaǵy fýnksıalary men ókilettikteri berile otyryp, qaıta uıymdastyrylsyn,» — delingen Aqordanyń resmı saıtynda.

Aıta keteıik, Elbasynyń Qaýlysymen búgin eki mınıstrlik qaıta uıymdastyryldy. Memleket basshysy Qazaqstan Respýblıkasynyń memlekettik basqarý júıesin odan ári jetildirý týraly Qaýlysyna saı, 

Qazaqstan Respýblıkasynyń memlekettik basqarý júıesin odan ári jetildirý maqsatynda:

1) Qazaqstan Respýblıkasynyń Ulttyq ekonomıka mınıstrligi Qazaqstan Respýblıkasynyń Densaýlyq saqtaý jáne áleýmettik damý mınıstrligine:

halyqtyń kóshi-qony salasyndaǵy memlekettik saıasatty qalyptastyrý;

quzyreti sheginde shet memleketterdiń ýákiletti organdarymen jáne halyqaralyq uıymdarmen kóshi-qon prosesterin retteý salasyndaǵy yntymaqtastyqty uıymdastyrý jáne júzege asyrý salasyndaǵy fýnksıalary men ókilettikteri berile otyryp;

2) Qazaqstan Respýblıkasynyń Densaýlyq saqtaý jáne áleýmettik damý mınıstrligi Qazaqstan Respýblıkasynyń İshki ister mınıstrligine oralmandar men qonys aýdarýshylardy qabyldaýdyń óńirlik kvotalaryn, sheteldik jumys kúshin tartýǵa arnalǵan kvotany qalyptastyrý jónindegi usynystardy ázirleý jáne Qazaqstan Respýblıkasynyń Úkimetine engizý, Qazaqstan Respýblıkasynyń zańnamasyna sáıkes kóship-qonýshylardy áleýmettik qorǵaýdy qamtamasyz etý, eńbekshi kóship-qonýshylar men etnıkalyq qazaqtardyń biryńǵaı derekqoryn qalyptastyrý, quzyreti sheginde Qazaqstan Respýblıkasynyń halyqtyń kóshi-qony týraly zańnamasynyń saqtalýyn baqylaý jónindegi fýnksıalar men ókilettikterdi qospaǵanda, kóshi-qon salasyndaǵy memlekettik saıasatty vedomstvoaralyq úılestirý jáne iske asyrý, kóshi-qon prosesterin monıtorıńteý, taldaý jáne boljamdaý salasyndaǵy fýnksıalary men ókilettikteri berile otyryp, qaıta uıymdastyrylsyn.

2. Qazaqstan Respýblıkasynyń Úkimeti:

1) qaıta bólinetin shtat sany sheńberinde Qazaqstan Respýblıkasy İshki ister mınıstrliginiń Kóshi-qon qyzmeti komıtetin qurýdy;

2) Qazaqstan Respýblıkasy Prezıdentiniń Ákimshiligimen kelisý boıynsha qaıta uıymdastyrylatyn memlekettik organdar arasynda shtat sanyn qaıta bólýdi;

3) 2017 jylǵy 1 sáýirge deıin Qazaqstan Respýblıkasynyń
2017 – 2021 jyldarǵa arnalǵan kóshi-qon saıasaty tujyrymdamasyn ázirleýdi;

4) osy Jarlyqtan týyndaıtyn ózge de sharalar qabyldaýdy qamtamasyz etsin.

3. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

4. Osy Jarlyq qol qoıylǵan kúninen bastap qoldanysqa engiziledi.