Ótken jyly respýblıkalyq onomastıkalyq komısıa 4 ret bas qosyp, ıdeıalogıalyq turǵydan eskirgen 147 kósheni, 32 mektep pen mádenıet úıin, 85 temirjol stansıasyn qazaqshalaǵan. Soǵan qaramastan áli kúnge deıin Lenınniń atynda 352 kóshe bar. Budan bólek soltústik óńirde 650 eldimeken ataýynyń tek 35%-y ǵana qazaqshalanǵan dep habarlaıdy «Qazaqstan» ulttyq arnasynyń jańalyqtar qyzmeti. 

Eskirgen kóshe ataýlary azaıar emes.  QR Mádenıet jáne sport mınıstrliginiń onomastıkalyq bazasynda eldimeken, kitaphana, mektep pen mádenıet úıi sekildi nysandardy aıtpaǵanda, Lenın atyndaǵy 352 kóshe bar eken. Al Qazaqstanda «Oktábr» atynda 275 kóshe, al «Sovetskıı» atyndaǵy 267 kóshe tirkelgen. Bul kóshelerdyń ataýy kóbinese Qostanaı, Soltústik Qazaqstan oblysy jáne Shyǵys Qazaqstan oblystarynda jıi kezdesedi.

Resmı málimet boıynsha Qostanaı qalasynyń tek 15%-y, Petropavl qalasynyń 12%-y, Shyǵys Qazaqstan oblysy kósheleriniń 18%-y qazaqshalanǵan. Basty sebep,  elimizde 7 jyl kóleminde moratorıı bolǵan. Ekinshiden, eldimekende kósheniń ataýyn aýystyrý kezinde daýys berý kezinde azamattar qarsylyq bildirýde. Osy sebepti  kóptegen kóshe ataýlary aýystyrylmaı qalady» delingen sújette. Aıta keteıik, keńestik dáýir kóseminiń atymen atalǵan kósheler Qyzylorda, Ońtústik Qazaqstan oblysy, Jambyl, Atyraý men Mańǵystaý oblystarynda múldem joq eken.