Sheneýnikterdiń biri oıatqysh qoısa, endi biri oblystyq ákimniń tapsyrmasyn elemeıdi dep habarlaıdy ratel.kz.

Shyǵys Qazaqstannyń oblystyq ákimdiginde ótken jınalys barysynda kimniń qaı ýaqytqa oıatqyshty qoıatyny, kim basshylyqtyń tapsyrmasyn oryndamaıtyny jáne Óskemenniń jańa ortalyǵy qaıda bolatyny belgili boldy.

Ákimdik otyrysynda gadjettiń qajeti ne?

Jınalysta salmaqty máseleler qaraldy. SHQO ótken jyldaǵy áleýmettik-ekonomıkalyq damýy, salynǵan turǵyn úı men áleýmettik nysandar, jergilikti sportshylardyń aldaǵy ótetin Ýnıversıada men Azıadaǵa daıyndyǵy sóz boldy.

Desek te, SHQO ákimi Danıal Ahmetovtyń tóraǵalyǵymen ótken jınalystaǵy sheneýnikterdiń oıy únemi basqaǵa bólinip otyrdy. Onyń ishinde oblys ákiminiń orynbasary Serik Aqtanovtyń telefony birneshe márte shyryldaǵany da bar.  Serik Aqtanov (fotoda) oıatqysh qoıǵanyn aıtyp, aqtaldy.

«Eger memlekettik qyzmetkerlerdiń oıatqyshy tańǵy on bir jarymda shyryldasa, bul kórsetkish» dedi Danıal Ahmetov.

Osydan keıin jınalys telefonnyń shyrylynsyz ótti. Soǵan qaraǵanda basqalary telefondaryn dybyssyz rejımge qoıyp úlgergen bolýy kerek. Tikeleı tapsyrma oryndalmaǵan jaǵdaıda birqatar sheneýnik jazalanatyny belgili boldy.

Qurylys, sáýlet basshylary jáne  Óskemenniń eki iri qalalarynyń ákimderi synǵa alyndy.

«2016 jyldyń ekinshi jartysynda nelikten barlyq kóp qabatty úılerdiń qurylys jobasynda bir páterge bir jarym turaq qarastyryp, kólik júretin jerdi keńeıtý týraly meniń tapsyrmam oryndalmaǵan? Men tapsyrma bersem, sizder ony oryndamaýdyń sebepterin izdeısizder. Men bul tapsyrmany 2015 jyldyń tamyz aıynda bergenmin. Eger taǵy da is nátıjesiz qalsa Óskemen ákimi Erlan Aımuqashev pen Semeı ákimi Ermak Sálimov japa shegedi» dep oblys ákim eskertý jasady.

Buǵan deıin de birqatar sheneýnikter basshylyq tapsyrmasyn oryndamaı, tekserilmegen aqparat berip, keıbir dáıekterdi jasyryp otyrǵan. Keıbiri otstavkaǵa ketken. Burynǵy memlekettik qyzmetkerlerdiń taǵdyryn qaıtalamaýy úshin Óskemen qalasynyń ákimi Erlan Aımuqashev shuǵyl túrde kólik qamsyzdandyrýynyń sqemasyn jasap, osy sekildi qalanyń basqa da máselelerin sheshýi qajet.