Serik Sápıev Ýnıversıadaǵa arnaıy salynǵan Atletıkalyq qalashyqtyń ákimi bolyp taǵaıyndaldy dep habarlaıdy Ýnıversıada baspasóz qyzmeti.

Dıreksıa mamandarynyń aıtýynsha, ákimniń mindetine shet elden kelgen delegasıany qarsy alý ári saltanatty sharalardyń ashylýy men jalaýlardy kóterý rásimderine qatysý kiredi.

«Atletıka qalashyǵynyń ákimi bolý jáne mynadaı aýqymdy sport sharasyna aralasý – men úshin úlken mártebe, jaýapty mindet. Jaqynda Almatyǵa Ýnıversıadaǵa qatysý úshin qonaqtar kele bastaıdy. Álemniń ár túkpirinen keletin  halyqtardyń beıbit, kelisimde bolǵanyn qalaımyz», – dedi Qazaqstandyq boksshy, álemniń eki dúrkin chempıony, Olımpıada chempıony Serik Sápıev.

Sondaı-aq, qonaqtardyń jaıly ornalasýyna jaǵdaı jasaıdy. Aıta keteıik, Atletıkalyq qalashyq resmı túrde qańtardyń 24-inde ashylady. Onda ózge memleketterden kelgen 5 myńǵa jýyq sportshy men bapker, tehnıkalyq maman ornalasady. Sonymen qatar, Reseı, Ýkraına, Ońtústik Koreıa, Qytaı, AQSH-tan keletin 100-ge jýyq eriktiler de bolady.