"Azamattarǵa arnalǵan úkimet" memlekettik korporasıasynyń ókilderi Almatydaǵy Alataý aýdandyq Halyqqa qyzmet kórsetý ortalyǵynda bolǵan oqıǵaǵa baılanysty túsinik berdi. Esterińizge sala keteıik, búgin ýaqytsha tirkelý úshin kezekte turǵan 50 jastaǵy er adam Almaty qalasyndaǵy Alataý aýdandyq HQKO qaıtys boldy.
"Búgin, 2017 jyldyń 16 qańtarynda Almaty qalasy Alataý aýdandyq HQKO-da 1964 jylǵy azamat Quntaqov Jaras Nurqybaıulynyń qaıtys bolǵanyn ókinishpen habarlaımyz. Jaras Nurqybaıuly HQKO-ǵa 9.30-da "Azamattardy turǵylyqty jeri boıynsha tirkeý" qyzmetin alý úshin áıelimen birge keldi, bul ýaqytta HQKO-da adamdar kóp bolmaǵan. Ol biryńǵaı elektrondy kezekke talon alyp úlgermegen áıeli blank toltyryp jatqan, 09.42-de azamat álsirep, oǵan HQKO-da kezekshilikte otyrǵan medısınalyq jumysshy jedel medısınalyq kómek kórsetti. 9.52-de jedel járdem kelip jetti, alaıda Jaras Nurqybaıuylyn qutqarý múmkin bolmady. "Azamattarǵa arnalǵan úkimet" memlekettik korporasıasy Jaras Nurqybaıulynyń jaqyndary men týystaryna kóńil aıtady" deıdi "Azamattarǵa arnalǵan úkimet" memlekettik korporasıa ókilderi.
Korporasıa ókilderi, múgedekterge, júkti áıelderge HQKO-larda jeńildik-terezeleri jumys isteıtinin aıtyp, sozylmaly aýrýmen aýyratyndarǵa HQKO adam kóp kezde kelmeýdi surap otyr. Al 1-shi jáne 2-shi toptaǵy múgedekter HQKO qyzmetkerin 1414 nómiri boıynsha úıine shaqyrta alady eken.
