Jańadan taǵaıyndalǵan ulttyq ekonomıka mınıstri Tımýr Súleımenov Máskeýde jumys istep júrgende umyt bolǵan qazaq tilin qaıta úırenýge ýáde berdi, dep habarlaıdy sputniknews.kz.

Ulttyq ekonomıka mınıstri Tımýr Súleımenov alty aı ishinde qazaq tilin úırenip shyǵýǵa ýáde berdi.

"Máskeýde bes jyl boıy qyzmet etip, týǵan tilimdi umytyp qaldym. Biraq alty aı ishinde úırenip alamyn", — dedi Súleımenov tilshilerge sársenbi kúni májilis otyrysynan soń.

Ol, sonymen birge, mınıstr úshin salystyrmaly túrde áli jas ekendigi týraly oıyn bildirdi, bıyl Tımýr Súleımenov 39 jasqa tolady.

"Men ózimdi jas dep sanamaımyn. Biraq Dúnıejúzilik densaýlyq saqtaý uıymy jastyqtyń shegin 50 jasqa deıin keńeıtti emes pe. Bulaı esepteıtin bolsaq, búkil mınıstrler kabıneti jap-jas bolyp shyǵa keledi. 22 jasynda mamandyqty ıgergen azamattyń men sıaqty 39-ǵa kelgende 17-18 jyl jumys tájirıbesi bolady, sol sebepti ondaı mamandy jas dep ataýǵa aýzyń barmaıdy", — dedi ol.