Pavlodarlyq Meıram Baıildınov týǵan aǵasynyń aıaýsyz óltirilgeni týraly aıtyp berdi, - dep habarlaıdy Tengrinews.kz

Ol Instagram jelisinidegi óz paraqshasynda mán-jaıdy baıandady. 

Qatty soqqylardan kóz júmǵan jigittiń óli denesi Lomov kóshesindegi páterlerdiń birinen tabylǵan. "Meni aǵamnan aıyrǵan adam ony óz páterinde shegesi shyǵyp turǵan taıaqpen, bankamen uryp, toǵyzynshy qabattan birinshi qabatqa súıregen. Birinshi qabatqa túsirip qaıta tepki astyna alady. Keıin lıftpen ony qaıta páterine alyp kirip, uıyqtap qalǵan. Osy kezde aǵam áli tiri edi, ol bolsa dárigerler shaqyrýdy da oılamaǵan. Keıin ol eki kún qalany sharlap, jýynatyn bólmesinde jatqan ólikti tastaıtyn oryn izdegen", - deıdi pavlodarlyq jigit. 

Jigit qylmystyq istiń jedel qaralýyna ruqsat bergeni úshin qatty ókinedi eken. "Aǵamnyń ólimin estip, men eseńgirep qaldym. Men polısıa bólimshesinde ne isteý keregin bilmedim. Olar maǵan qol qoıýǵa bergen qaǵazdar ishinde jedel sot prosesine ruqsat bolǵan. Bul qujat istiń sotta qaralý merzimin eki ese qysqartyp, eń bastysy - jazany jeńildetedi eken. Osylaısha, ol 12 jyl ornyna alty jalǵa ǵana sottaldy", - deıdi Meıram Baıildınov. 

Pvlodarlyq jigit istiń qaıta qaralýyna qol jetkizbek. "Men adamdy bostandyǵynan aıyryp jatqanymdy bilemin, biraq, ol meni aǵamnan aıyrdy. Al keıin onyń qyzyna ákesiniń olardy tastap ketpegenin, adam qolynan ólgenin aıtý kerek bolamyn", - deıdi Pavlodar turǵyny. Qazirgi kezde sot isti tolyq qaraý týraly ótinishti qabyl alǵan. 

22 jastaǵy aıyptalýshynyń isi sotta qaralyp jatyr. 

27 jastaǵy Rýstam Baıildınovty tepki astyna alyp jatqan sát túrǵyn úıdiń kire berisine ornatylǵan kameraǵa túsip qalǵan. Kóz jumǵan adam aıyptalýshynyń úıinde ýaqytsha turyp jatqan bolatyn. Onyń artynda áıeli men úsh jastaǵy qyzy qaldy.