Astanada qazaq qyzdaryn qaltaly qytaı jigitterimen tanystyratyn neke agenttigi ashyldy. Qytaı azamattary qazaq qyzdaryna qatty qyzyǵady. (- Internet materıaldarynan)

Qudaı!
Endi qaıtemin?
Dosym meniń, myna derttiń aıt emin.
Jańalyq dep jar sap jatyr telearna,
Bolmas, sirá, bul qaýeset, áı, tegin?

Qarakózder túser me eken quldyqqa,
Amal bar ma, kózge shuqyr shyndyqqa?
Abyroıyn áreń japqan álemde,
Bolady eken dál mynadaı sumdyq ta!

Ótken ómir ókpeginiń bári shyn,
Babam janyn qurban etken ar úshin.
Qytaılyqqa qylyǵyńdy qıdyń ba,
Qazaq qyzy!
Qaıda ketken namysyń?!

Men elimdi asqaq shyńǵa teńeımin,
Deı almaımyn – ar-namysqa kedeımin.
... Kisápirdi qıyp túsken qylysh bop,
Tomırıstiń arýaǵyna ne deımin?

Elden asqan sulý ediń, shyraılym,
Sińilisi sen ediń ǵoı kún-aıdyń.
Qytaılyqqa qoljaýlyq bop sen ketseń,
Atyn qalaı aýyzǵa alam Umaıdyń?

Kúnder qaıda, jibekteıin esiler,
Shyndyqty aıtpaı tilim qalaı kesiler?
Qarakózder qor bop jatsa qytaıǵa,
Zere menen Uljan qalaı keshirer?

Júrgen emen, dabyradan maıa sap,
Kúnim qaıda, júretuǵyn maı asap?
Qytaılyq tur, qaltasynda qarajat,
Sanasynda – surqıalaý saıasat...

Qaı qıyrǵa bastar eken jol áli,
Qıyn eken, bul aqyldyń sholaǵy.
... Esimińiz uzaqtaý ed, aǵataı,
Jıenińniń aty qysqa bolady!..

A. TÚSİPBEKOVA