Ortalyq barlaý basqarmasynyń qupıa muraǵatynda terrorısttik áreket jasady degen kúdikpen ustalǵandardy tergeý barysynda olardy azaptaǵany týraly málimetter bar dep habarlaıdy New York Times gazeti.

OBB Djordj Býsh prezıdent bolǵan shaǵynda (2001-2009) 2014 jyly jarıalanǵan 500 bettik senat komıtetiniń baıandamasynda ol týraly egjeı-tegjeıli aıtylmady. Qupıa túrde saqtalyp otyrǵan 6,7 myń betten turatyn barlaý muraǵatyndaǵy qujattar tóńireginde pikirtalas tolastar emes.

Qujatta Saýd Arabıa azamaty Abý Zýbaıdahty qalaı tergegeni týraly da jazylǵan. Ony OBB qyzmetkerleri jazdy.

Abý Zýbaıdahty «Al-Kaıdanyń» kóshbasshysy bolýy múmkin dep boljaǵan.   

OBB qyzmetkerleri tergeý barysynda belgilengen nusqaýlyqtardy ustanǵanyn aıtty. Alaıda Zýbaıdah basqa aqparat berdi.

«Ol meni qabyrǵaǵa urýyn toqtatpady. Basymdy qabyrǵaǵa qatty urǵany sonshalyq, ár soqqy saıyn edenge quladym. Bir sátteri tipti kóz aldymdaǵyny birneshe mınýt boıy kóre almaǵan kezderim boldy. Men tolyqtaı tura almadym. Sebebi meni qysqa shynjyrmen baılap tastady» dedi  Zýbaıdah 2008 jyly óz advokatyna. Bul qujat ta qupıa muraǵatta saqtalǵan.  

Qujattarda tergeý barysynda  Zýbaıdahty tabytqa uqsas kishkentaı qorapqa salyp, medısınalyq preparattar salyp, sýmen tunshyqtyrǵany jazylǵan.