Qyrǵyzstan parlamentiniń depýtaty Ómirbek Tekebaev memleket bıligi  «Boıng-747» ushaǵynyń qulaýyna baılanysty shyndyqty jasyryp otyr dep málimdedi. Bul týraly kloop.kg habarlaıdy. Óz oıyn depýtat parlament otyrysynda jarıalady. «Ata-Meken» fraksıasynyń kóshbasshysy ushaq Qyrǵyzstanǵa júk tasymaldaý úshin qoný kerek bolǵan dep esepteıdi.

Tekebaevtyń sózinshe, Qyrǵyzstanda túsirilý kerek bolǵan júk kontrabanda dep esepteıdi.

«Bul kontrabanda bolatyn. Qazaqtar men reseılikterdiń bizge senbeıtini durys. Bizdiń  qurlyqtan jáne avıareıs arqyly taýar tasymaldaıtyn kemshilikterimiz bar. Bizdiń azamattarymyz qurban bolýyna sebepker bolǵan ol qandaı júk? Neni jasyryp otyr? Biz buny anyqtaýymyz kerek», – dedi ol.

Depýtat kontrabandalyq taýardan paıda tabatyn adamdardyń bolýy múmkin ekenin aıtyp otyr. Ol ushaqtyń qulaýyna kinálilerdi  tabý kerek dep esepteıdi. Budan buryn ushaq tehnıka men telefondardy tasymaldy dep aıtylǵan bolatyn.