"Atyraýdaǵy sotqa barlyq qazaqstandyqtyń kóńili aýdy" degen taqyryppen qoǵam qaıratkeri Muhtar Taıjan óziniń Facebook paraqshasyna  "zańsyz mıtıń uıymdastyrdy" dep aıyptalǵan Maqsat Boqaev pen Talǵat Aıandy túrmeden bosatýǵa shyqyrǵan jazbasy shyqty. 

"Maqsat Boqaev pen Talǵat Aıannyń isindegi aqıqat aıtylatyn kún jaqyndap keledi. Men bul jigitterdiń  taǵy da túrmege toǵytylýynan saqtaǵym keledi. Olar temir tordyń arǵy jaǵynda otyrmaýy tıis. Biz baqylap otyrǵan bılik pen qoǵam arasyndaǵy jikteýler órshı túsedi. Endi bar senimniń ózi joq bolady.

Tergeý tarapynan jasalǵan ymyraly usynystardy bilemin. Iá, usynystar shynymen de boldy. Olar ókiný, táýbege kelý men keshirim ótinýdi suramady. Biraq bul jigitter oǵan barmady. Bul olardyń jeke quqyǵy.

Alaıda ol úshin Maks pen Talǵatty túrmege otyrǵyzýdyń qajeti joq. Bılik qolyndaǵy barlyq uıymdastyrýshylyq resýrstardy azamattyq qoǵamnyń kózi ashyq ókilderine qarsy qoldanbaýy tıis. Eger birinshi synyptyń oqýshylary ymyraǵa kelmese, 11 synyp oqýshylary olarǵa qarsy kúsh qoldanbaý kerek. Óıtpegen jaǵdaıda barlyq mekteptiń aldynda kúlkige qalady.

Qazaq ıntellıgensıasy ashyq hat jazyp, jazbasha túrde jeke kepildeme berdi. Sheteldik quqyqqorǵaýshy uıymdar, tipti batys elderi eki azamatty jaqtap sóıledi. Sondyqtan olardy túrmege otyrǵyzý eldiń ishki saıasatyndaǵy  baıaý jyldamdyqtaǵy mına sekildi bıliktiń úlken qateligi bolýshy edi.

Taǵy da jaqsylap oılanýdy suraımyn. Maks Boqaev pen Talǵat Aıan erkindikte bolýy tıis! Boldy, bul qaqtyǵysty doǵaraıyq, sabyr túbi sary altyn! Keń bolsańdar, kem bolmaısyńdar" dep sózin aıaqtady Muhtar Taıjan.