Qostanaı oblysynyń Lısakovsk qalasynyń turǵyny Daler İsmaǵulov petısıa bastap, ony áleýmettik jelilerde  tarata bastady. Bul týraly «Alau.kz» habarlady. Ol óziniń ótinishi úkimetke jetedi dep úmittenedi.

31 jastaǵy Daler İsmaǵulov Qostanaı oblysynyń ýaqyty turǵyndardyń densaýlyǵyna keri áser etetinin aıtty.

«2005 jyly jazǵy ýaqytqa kóshý alyp tastalynǵan bolatyn. Bul jalpy geografıalyq beldeý boıynsha respýblıka boıynsha barlyq aımaqtarǵa sáıkes keledi. Alaıda, Qostanaı men Qyzylorda oblystarynan basqa biraz aıyrmashylyqtar bar. Qostanaı oblysynyń standartty ýaqyty geografıalyq beldeýdiń ýaqytyn 1 saǵ 46 mınýtqa ozyp ketedi, bul  respýblıkanyń barlyq oblystarynan eń joǵarǵy kórsetkish. Astronomıalyq ýaqyttan mundaı aıyrmashylyq barlyq turǵyndardyń ómir súrýi yrǵyǵyna áser etedi, ásirese, balalarǵa. Biz «basqa ýaqyttyń» tutqyny bolyp qaldyq. Qysta tańǵy 9-da áli qarańǵy, al jazda 23.00-de jaryq bolyp turady. Budan adamnyń bıoyrǵaǵy buzylady», – dedi petısıa bastamashysy Daler Ismaǵulov.

Dalerdi tanystary men dostary qoldady. Ol ótinishin 18 qańtar kúni jarıalady, ázirge 22 adam qol qoıdy. Dalerdiń usynysyn qoldaǵandar mynadaı túsinikteme berdi:

Rýslan Ermenov: «Meniń jyl boıy uıqym qanbaıdy, bul meniń ashýymdy týǵyzady».

Dınara Tólegenova: «Biz aǵymdaǵy ýaqytqa sáıkes kelmeıtin ýaqyt beldeýinde ómir súrip jatyrmyz».

Ázirge petısıaǵa Lısakovsk qalasynyń turǵyndary qol qoıdy, olardyń ishinde qostanaılyqtar men chelábındyqtar bar. Daler qoldaýshylardyń sany arta túsip, onyń ótinishin úkimet beı-jaı qaldyrmaıdy degen úmitte.