Sot CentralAsiaMonitor bas redaktory jáne Radiotochka.kz saıtynyń dırektory Bıgeldi Ǵabdýlın QR Prezıdenti Nursultan Nazarbaevtyń kesimdi sóziniń arqasynda bostandyqqa shyqqanyn aıtty.

 «Men Nursultan Ábishuly Nazarbaevqa rızashylyǵymdy bildirgim keledi. Nursultan Ábishulynyń sheshýshi sóziniń arqasynda men bostandyqqa shyqtym. Qazaq ádebıetiniń maıtalmandary Ádbijámil Nurpeıisov, Oljas Súleımenov, Asanáli Áshimov, Dýlat Isabekov, Smaǵul Elýbaevtar qol qoıǵan úndeýdi qaperge alǵany úshin alǵysym sheksiz. Eń aldymen ózimniń dostaryma, Astana qalalyq máslıhatyndaǵy áriptesterimizge rızashylyǵymdy bildiremin. Qıyn sátte meni tastap ketpeı, tek materıaldyq jaǵynan ǵana emes, sonymen birge moraldyq turǵyda qoldaý kórsetken barlyq adamdarǵa rızamyn», - dedi Bıgeldi Ǵabdýllın sot zalynan bosap shyqqannan keıin.

Esterińizge sala keteıik, Bıgeldi Ǵabdýlınge Jambyl oblystyq ákimdiginen ol 10 mıllıon teńge kólemindegi búdjet qarjysyn bopsalady degen aıyp taǵylǵan. 

Búgin Bıgeldi Ǵabdýllın 5 jylǵa bas bostandyǵynan shekteldi. Sot CentralAsiaMonitor bas redaktory jáne Radiotochka.kz saıtynyń dırektory sot zalynda qamaýdan bosatyldy.

Jýrnalıser arasynda jaýapqa tartylǵandardyń arasynda Qazaqstan jýrnalıser odaǵynyń tóraǵasy, Ulttyq baspasóz klýby basshysy Seıitqazy Mataev pen QazTAG aqparat agenttigi bas dırektory Áset Mataev ta bar. Mataev «qarjy jymqyrdy» jáne «salyqtan jaltardy» degen aıyptarmen 6 jylǵa sottaldy. Al, onyń uly QazTAG agenttiginiń dırektory Áset Mataev «qarjy jymqyrdy degen aıyppen bes jylǵa sottaldy.