Jambyl oblysynda jaqyn dosynyń kishkentaı egiz qyzdaryna bes jyl boıy arsyzdyq kórsetken azǵynǵa sot úkim kesti. Pedofıldiń jábirlenýshilerge úsh jasynan bastap segiz jasqa tolǵanǵa deıin, aıtýǵa aýyz barmaıtyn azǵyndyq jasaǵany dáleldenip, 17 jyl arqalady.

Nápsiqumar qarshadaı qyzdardy zorlamaǵanymen, udaıy uıatsyz beınerolıkter kórsetip, áýretti jerin ustatyp, tipti súıgizýge deıin barǵan. Mundaı soraqylyq áli de jalǵasýy múmkin edi. Jábirlenýshiler bolǵan jaıtty abaısyzda 10 jastaǵy naǵashy ákpesine aıtyp, ol anasyna jetkizgen. Egiz qyzdyń sheshesi bul sumdyqty estigenimen, kúıeýinen jasyryp, aradaǵy san jyldyq dostyq qarym-qatynasty eskerip, 43 jastaǵy kórshisin keshirgen. Sóıtip yń-shyńsyz eldi mekennen kóship ketýin talap etipti. Alaıda azǵyn aýyldan qarasyn batyrmaq túgili arada aı ótpesten burynǵy ádetine qaıta basady. Sóıtip, ótken jyldyń qyrkúıek aıynda qamaýǵa alynǵan. Sottalǵan azamattyń áıeli men kámelettik jasqa tolmaǵan úsh balasy bar.