Sheshenstan basshysy Ramzan Qadyrov polısıa men áskerılerge adam shyǵyny bolmas úshin zańsyz qarýly qurylymdarǵa qatysy bar degen kúdikke ilingenderge eskertýsiz qarý qoldanýǵa ruqsat berdi dep habarlady Azattyq.

Bul týraly "Kavkazskıı ýzel" saıty jazǵan.

Qadyrov qarý qoldanýǵa ruqsat bergeni týraly 24 qańtarda Sheshenstan ishki ister mınıstrligi alqasynyń otyrysynda málimdegen. "Eger sezik týsa, eskertýsiz atyp tastańyzdar! Ne sebepti táýekelge barýyńyz kerek?" dedi ol.

"Kavkazskıı ýzel" saıty habarlamasynda "Polısıa týraly" zańnyń 19-baby boıynsha polısıa qyzmetkerleri qarý qoldanbas buryn atatyn eskertýi tıis. Polısıa kúdiktige "qarý qoldanýdy keshiktirýi azamattardyń nemese polısıa qyzmetkerleriniń ómiri men densaýlyǵyna tikeleı qaýip tóndirse nemese basqa da aýyr zardap keltiretindeı bolsa" eskertýsiz atyp tastaı alady.

Saıt málimetine qaraǵanda, 2016 jyly Sheshenstanda qarýly qaqtyǵystan 27 adam qaza tapqan, olardyń altaýy - kúsh qurylymdarynyń qyzmetkerleri.