Sırıalyq retteý jónindegi halyqaralyq kezdesý (Astana prosesi) barysynda batystan kelgen dıplomattar kezdesýdiń nátıjesin Rixos qonaq úıiniń barynda otyryp kútýge májbúr bolǵan dep jazypty Financial Times. kazinfo.today saıty pýblıkasıany orysshaǵa aýdarǵan bolatyn. Elimizdiń saıası bedeline qatysty dúnıeniń qazaqsha nusqasyn «Qamshy» portaly oqyrman nazaryna usynady.

«Biz ózimizdi oıyn-saýyq keshke shaqyrylmaǵan qonaq retinde sezinýdemiz... Jan-jaǵymyzda ne bolyp jatqannan beıhabarmyz», — depti bir dıplomat. «Búgingi Taıaý Shyǵys dıplomatıasy Reseıge jipsiz baılanyp otyr. Reseı ne dese, sol bolady» degen sóılem kezdesedi materıalda. Reseı, Týrsıa, Irannyń qatysýymen ótken kelissóz barysy jabyq formatty ótkizildi. Basylym jýrnalıseri Máskeý men Ankaranyń jaqyndasýyna baılanysty AQSH-tyń jıynǵa qatyspaǵanyn erekshe atap ótti.

Astanaǵa Vashıngton arnaıy ókil jibermegen. Qazaqstandaǵy AQSH-tyń elshisi dıskýssıa barysyn baqylap otyrǵan. Sırıalyq oppozısıonerlerdiń bireýi «AQSH pen Batys bizge eshqashan shynaıy kómek qolyn sozǵan emes. Qazir olar qaıda, qarańyzdarshy? Buryshtan syǵalap qarap otyr» depti.

Nasr Harırı opozısıasynyń delegaty bolsa «Sırıaǵa yqpaly bar memleketter shyn mánisinde belgili bir nátıjege qol jetkizgileri keletin sıaqty. Sondaı sezim týyndady» dep sóıledi.

Esterińizge sala keteıik, 23-24 qańtar kúnderi Astana qalasynda Sırıa Úkimeti men opozısıa ókilderiniń qatysýymen kelissóz júrgizilgen bolatyn. Uıymdastyrýshy – RF prezıdenti Vladımır Pýtın. Máseleni talqylaý barysynda Reseı, Túrkıa, Iran soǵysty toqtatý rejımin baqylaıtyn úsh jaqty mehanızm quratyn bolyp ýádelesti.  Bitimge kelý rejımi 2016 jyldyń 30 jeltoqsanynda habarlanǵan bolatyn. Bul ýaǵdalastyqtyń terorıstik uıymdarǵa qatysy joq.

Kreml bolsa, Astana prosesi sátti ótti dep baǵa berip otyr. Bul óz kezeginde jenevalyq kelissózder prosesin jandandyrýǵa sep bolady dedi RF prezıdentiniń baspasóz hatshysy Dmıtrıı Peskov.