Qazaqtyń óz elinde tiliniń qadiri ketkeni, tipti, jyldan-jylǵa qoldaný aıasy tarylyp, joıylyp bara jatqany týraly aıtylmaǵan sóz qalmady. Biraq óz elinde qazaqtyń aıtqan sózi «It úredi, kerýen kóshediniń» kúnin keship otyrǵanyn endi esh nársemen jýyp-shaıa almaımyz. Bul – qazaqty qorlaýdyń, al maǵan ne isteısiń degen tasyrlyqtyń eń basty dáleli. Búgin    «Almaty aqshamy» gazetinen «Almatylyqtar Ýnıversıadany 24 mekemeden tamashalaı alady» degen habarlandyrýdy kórdik (26.01.2017).

Habarda bylaı dep jazylǵan:

«Almatyda Ýnıversıada-2017 sporttyq is-sharasyn efır arqyly taratatyn qoǵamdyq tamaqtandyrý oryndary naqtylandy. Endi qala turǵyndary men qonaqtary sporttyq jarysty arnaıy sertıfıkat alǵan 24 mekemeden tamashalaı alady...

Ýnıversıadany kórsetetin qoǵamdyq tamaqtaný oryndary:

№     Nysannyń ataýy:           Meken-jaıy:

1. Bochonok     Jandosov kóshesi 40.
2. Entrcote Carden Abaı dańǵyly 46 a.
3. Prýssıa Rozybakıev kóshesi 95.
4. Favor ál-Farabı dańǵyly 45.
5. Loft Tımırázev kóshesi 13 a.
6. Karlov most Han-Táńiri yqshamaýdany 85.
7. Dom Dostyq dańǵyly 42.
8. Grudo steakhouse Abaı dańǵyly 42.
9. Mad Murphus Tóle bı kóshesi 12.
10. Barmaglot Sátbaev kóshesi 3.
11. Granat Jamaqaev kóshesi 108.
12. Ratatýı Dostyq dańǵyly 118.
13. Vechnoe nebo Buzyrbaev kóshesi 23.
14. Korean house Gogol kóshesi 2.
15. Pınta Dostyq dańǵyly 52.
16. Dýblın Baıseıitova kóshesi 43.
17. Vahtangýrı Gogol kóshesi 157.
18. Gınnes nab Dostyq dańǵyly 71.
19. Union ál-Farabı dańǵyly 36.
20. Esperanza Seıfýllın kóshesi 481.
21. Oranjevyı verblúd Jandosov kóshesi 98.
22. Bazılık Shevchenko kóshesi 127.
23. Master Jıgýlev Abylaı han kóshesi 46.
24. Hemingway Naýryzbaı batyr kóshesi 7/43»

Qarap otyrsaq, sol 24 mekemeniń ishinde qazaqsha ataýy bar bir mekeme joq eken.  Olar «Bochonok», «Dom», «Oranjevyı verblúd», «Master Jıgýlev» «Vechnoe nebo», «Bazılık», «Granat», «Barmaglot», «Karlov most» degen  oryssha, qalǵandary  túgel sheteldik ataýy bar «mekemeler» eken. İshimizden «óz elinde qazaq sıaqty osynsha  namysynan aırylǵan ult jer betinde joq shyǵar, bittiń ǵoı qazaq» dedik te júre berdik. Qoldan keler qaıran joq. Tipti, osy sóziń úshin-aq terrorıst, ıslamıst, Sırıaǵa barǵysy kelgen atanyp  ketýiń de múmkin ǵoı. Al «Almaty aqshamyndaǵylar» bul qalaı dep bir aýyz sóz aıtpaı osyny qýana habarlap otyr ma eken?