Ótken bir eki táýlik ishinde Jerorta teńizinde myńǵa jýyq mıgrant qutqaryldy dep habarlaıdy 24.kz.

Deni – Lıvıadan Italıaǵa jetýdi kózdegen Soltústik Afrıka elderiniń azamattary. Olar Sısılıa jaǵalaýyna jetkizilip, alǵashqy kómek kórsetildi. Mıgranttardy qutqarý úshin Italıa jaǵalaý qyzmeti uzynsany 9 operasıa ótkizdi. Málimetke súıensek, myńǵa jýyq bosqyn alty rezeńke jáne 2 aǵash qaıyqqa bólinip mingen. «Reıter» agenttiginiń habarlaýynsha, ótken jyly Jerorta teńizi arqyly Kári qurlyqqa jetýdi dittegen 4,5 myń mıgrant sýǵa ketken. Eýropaǵa Lıvıa arqyly aǵylǵan bosqyndardyń deni soǵys aımaǵynan emes, ekonomıkalyq jaǵdaıy nashar elderden shyqqan. Olardyń Kári qurlyqtan bosqyn mártebesin alýǵa esh múmkindigi joq. Sondyqtan Eýroodaq mundaı bosqyndardy kelgen eline qaıta jóneltedi.