"Qaı tilde sóılesem de óz erkim, óz quqym" deıtinderge aıtarym. 

Men olardyń bul sózine "qansha til bilsem de ózim bilemin" degendi qosqym keledi. Zaman ózgerip, texnıka qaryshtap damyp, oqý ádisterinde neshe túrli tásilder paıda bolyp, adamzat az ǵana ýaqytta birneshe til úırenip alatyn dárejege jettik. Shúkir, jaqsy, raxat qoı. Buryn shetelge barǵyń kelse tilmash jaldap áýre bolatynsyń. Qazir óziń bilesiń, óziń bı, óziń qoja. Biraq ókinishke oraı osy kóp bilgenimiz ózimizge sor boldy. Meniń zamandastarymnyń ıntellektýaldy deńgeıiniń joǵarylaǵany sonshalyq óz ana tilderinde emes ózge tilde sóıleıtin boldy. Ol azdaı, konstıtýsıalyq quqyǵyna súıenip, basqalarǵa da ózge ulttyń tilin nasıxattap, sol tilge qyzyqtyratyn boldy. Men olardy kózi ashyq azamattardyń qataryna qosqanymmen, kókiregi oıaý dep aıta almas edim. Nege? Tym qarapaıym mysaldarmen túsindirýge tyrysaıyn. Álemniń kez-kelgen damyǵan nemese damýshy memleketine bara qalsańyz jergilikti xalyq óziniń memlekettik tilinde sóıleıtinin kóresiz. Kim aqyldy, kim aqymaq? Árıne bizge olarǵa jetý qaıda?! Alaıda olarǵa jetý úshin de aldymen ult, odan keıin memleket óziniń ana tilin, salt-dástúrin, ádet-ǵurpyn, mádenıetin, ádebıetin, ǵylymyn, xalyq sanyn, ekonomıkasyn, saıası ustanymyn durys júıege qoıyp damytý kerek emes pe? Jaraıdy, sonda da til mańyzdy faktor emes deseńiz tarıxqa úńileıik. Osy kúnimizge qalaı jettik? Berirekten. Jońǵar shapqynshylyǵy kezinde qazaqtar nege solardyń tilinde sóılep kete bermedi? Ol tilde shet tili ǵoı, sol kezde qazaqtar nege sán qýmady eken? Damýǵa, órkendeýge, ósýge talpynys bolmady ma eken? Biraq qarap otyrsań qazir olar qaıda, biz qaıda? Myna búıirimizden qytaıdyń, myna búıirimizden orystardyń patshalyǵy dúrkirep turǵanda Abaılar nege oryssha nemese qytaısha jazbady eken? Qylyshynan qan tamǵan Keńes odaǵy kezinde bes arysymyz, úsh báıteregimiz nege tom-tom ǵyp oryssha shyǵarmalar jazbady? Óıtkeni ol aıtylmasa da aıdan anyq nárse. Til bar jerde ult bolady, ult bar jerde memleket bolady, memleket bar jerde terıtorıa, shekara bolady, shekara bolǵan jerde saıasat ta ekonomıka da damý da bolady! Til bolmasa ult bolmaıdy. Ultpen birge tarıx, mádenıet, ádebıet te qurıdy. Myń jerden bireýdiń ana tilinde sóılegenińmen sen olardyń xalqy bola almaısyń. Olarǵa sen de seniń ana tilińniń de keregi joq. It nege mıaýlamaıdy, mysyq nege úrmeıdi? Óıtkeni xaıýan ekesh xaıýan da óz ana tilinde sóıleıdi. Al, qaı tilde sóılesem de ózim bilemin deıtin qazaqtar Elbasynyń saıasatyna qarsy shyqqandar dep sanaımyn. Sebebi Elbasynyń ózi "qazaq qazaqpen qazaqsha sóılessin" degen", - deıdi Asqat Sadyrbaı. 

Iá, jazǵanynyń bári ras. Qazaq tiliniń jaǵdaıy, bolashaǵy óte alańdatarlyq másele.