Qytaıda "I am singer" án baıqaýyna qatysyp, búkil jurtshylyqty aýyzyna qaratqan Dımash Qudaıbergenov endigi kezekte eldi kúıshilik ónerimen tańqaldyrdy. Óziniń ókil áke-sheshesi bolyp keletin Ulyqpan Joldasov pen Aıǵan Joldasovanyń shańyraǵynda otyryp áıgili ánshi, sazger, kompozıtor Ulyqpanmen birge "Adaı" kúıin shertip otyrǵandyǵyn Aıǵan hanym Instagram paraqshasynda jarıalaǵan.
"Ádettegindeı ekeýiniń basy qosylsa-dombyramen kúı tartpasa bolmaıdy. Ánshi mindetti túrde mýzykalyq aspapta oınaı bilýi kerek degen ústanym bar", - dep jazady Aıǵan Joldasova. Sonymen qatar "Dombyrada kúnde oınaıtyn adammen salystyrmaıyq", - dep, synı pikir qaldyrýshy oqyrmandarǵa eskerte ketken.
