Aısha Orazbaeva AQSH-qa 2017 jyldyń 27-shi sáýirine deıin kirýge tyıym  salǵan jeti eldiń musylmandaryna qoldaý bildirdi dep habarlaıdy Slippedisc.

Qazaqstandyq skrıpkashy Aısha Orazbaeva Donald Tramptyń kóshi-qonǵa qatysty buıryǵynan keıin debúttik konsertin AQSH-ta ótkizýden bas tartty.

Aısha pıanınoshy Djozev Hústonmen osy demalysta AQSH-ta konsert ótkizýi  kerek bolǵan.

«Musylman elderi azamattarynyń elge kirýine tyıym salyp, halyqaralyq Djon Kennedı áýejaıynda vızasy bar 7 bosqyndy ushaqtan túsirip, Iran azamatyn grın-karta bolǵanyna qaramastan  AQSH-qa kirýine tyıym salǵanyn oqyǵanda AQSH-ta konsertimdi ótkizbeımin dep sheshtim. The Guardian gazetin oqyp otyryp, AQSH-qa bara almaımyn degen oı keldi» deıdi Aısha Orazbaeva.

Tramptyń buıryǵy boıynsha AQSH-qa – Iran, Irak, Lıvıa, Somalı, Sýdan, Sırıa jáne Iemen elderiniń azamattary kire almaıdy.

Qazaqstandyq skrıpkashy konsertti boldyrmaı tastaǵany týraly aqparatty mýzykalyq synshy jáne konsert uıymdastyrýshysy Pıter Margask taratqan. Ol skrıpkashyny túsinetinin jáne qoldaıtynyn jetkizgen. Sonymen qatar, konserttiń bolmaıtynyna qynjylatynyn da aıtty.

Aısha Orazbaeva Londonda «Bolashaq» baǵdarlamasy boıynsha oqyǵan. Qazirgi tańda ol klasıkalyq mýzykanyń jańadan shyǵyp kele jatqan juldyzy bolyp esepteledi. Onyń konsertteri Ispanıa, Italıa, Avtrıa jáne Ulybrıtanıada ótedi.