Atyraýda prokýrordyń burynǵy kómekshisine óz-ózin órteý áreketinen keıin bultartpaý sharasy qatańdatyldy dep habarlaıdy tengrinews.kz.

Oblystyq sottyń baspasóz qyzmeti memlekettik aıyptaýshynyń shaǵymy boıynsha óz-ózin órteýge tyrysqan áıeldiń eki aıǵa qamaýǵa alynǵanyn habarlady.

Qazirgi ýaqytta áıel aýrýhanada. Sondyqtan sot otyrysyna qatyspady. "Al úkim jyldam oryndalýǵa tıis bolǵandyqtan, aıyptalýshy arnaıy palataǵa aýystyrylyp, kúzetke alynady", - deıdi vedomstvo ókilderi.

Eske salaıyq, Atyraý oblysy prokýrorynyń burynǵy kómekshisi 2016 jyldyń tamyzynan beri úı qamaýynda bolǵan edi. Ol ustalǵandardyń, qamaýǵa alynǵandardyń jáne qylmystyq jaza ótep jatqandardyń quqyqtaryn saqtaý salasynda jumys istegen. Ol QR Qylmystyq kodeksiniń 366-babynda ("Para alý") qarastyrylǵan qylmys jasady degen kúdikke ilingen. Smadıarova ózine taǵylǵan aıyptarmen kelispeı, jala jabyldy degen edi.

Keıin, 31 qańtarda denesin kúıik shalǵan 37 jastaǵy Samdıarova aýyr jaǵdaıda oblystyq aýrýhanaǵa jetkizilgen bolatyn.