Reseı prezıdenti Vladımır Pýtın jalǵan aqparat taratyp, óte mańyzdy ınfraqurylymǵa hakerlik shabýyl uıymdastyryp Batysty álsiretpek oıy bar dep málimdedi Ulybrıtanıanyń qorǵanys mınıstri ser Maıkl Fellon dep habarlaıdy Reuters. Onyń sózinshe Pýtın buryndary KSRO ustanǵan Batyspen strategıalyq básekelestik jolyn tańdady deıdi Maıkl Fellon. Osyǵan baılanysty NATO Reseıdi tejeý kerek degen oıda.

«NATO men Batys elderi keńestik negizde qurylǵan qazirgi zamannyń jalǵan shyndyǵymen barynsha kúresýimiz kerek. Eýroatlanttyq órkenıet Pýtındik «shyndyqqa» qarsy turýy qajet» deıdi Fellon.

Budan buryn ol reseılik «Admıral Kýznesov» ushaq tasyǵyshyn «masqara keme» dep ataǵan. AQSH, Brıtanıa jáne Fransıa elderiniń oıynsha Reseı Sırıada áskerı qylmys jasap jatyr.

«Biz sırıalyq halyqtyń qıynshylyǵyn sozǵannan basqa eshteńe bitirmeıtin «Admıral Kýznesovty» qatań baqylap otyrmyz» dedi qorǵanys mınıstri.  

Máskeýge qatysty aıyptaýlar AQSH-tyń BUU-ǵy túraqty ókili Nıkkı Heılıdiń Ýkraınadaǵy jaǵdaı úshin Reseıdi qatań synaǵan baıandamasynan keıin aıtyldy.