Qýat Hamıtov óziniń instagram paraqshasynda, Elbasymyz Nursultan Nazarbaev aıtqan: "Ózinde maqtan tutarlyq eshteńesi joqtar ultshyl bolady" - degen sózine óziniń kelispeýshiligin bildirip, pikir qaldyrdy.

"Biz qazaqtar óte az bolǵandyqtan, bar joǵy 10 mıllıon qazaq bir qazanǵa basy syımaı, bir-birin qyryp jatqandyqtan, qyzdarymyz Qytaıǵa, baýyrlarymyz elin tastap, Eýropaǵa ketip jatqandyqtan, jastarymyz buzylyp, alqash bolyp bara jatqandyqtan, jastarymyz tarıhyn umytyp, batysqa eliktep, buzylyp bara jatqandyqtan, bizdiń erteń ultymyz, sol aıtylyp jatqan planetadan joǵalyp ketpes úshin, ultshyl bolyp, óz qazaǵymyzǵa, qanymyzǵa qamqorlyqqa shaqyrýdamyz! Basqa ulttar óz basy... Eger de sol Qytaıda elin jerin ańsap júrgen, 2 mıllıon qazaqty elge qaıtarsa, árbir týylǵan sábıge ózi týǵan elinen 8 sotyq jerin, 1 000 000 teńgesin berse, ár qazaq erteń aq otbasyn qurar edi, árbir jas otbasyn qurǵan azamattarǵa úıin, jumysyn taýyp berse, erteń aq, Qazaq 10 mıllıon emes, 40 mıllıon bolar edi. Sol kezde, kórshi dos halyqtar mańqa qazaq demes edi, qý orys bizdiń jarty jerdi alyp qoıý kerek demes edi! Ultshyldyq álsizderdiń sandyraǵy emes, júreginiń lúpildegeni! Boıynda namysy barlar, ultyn kóterip júredi! Bizge, Gúgo, nemese adamdy maımyl degen Darvın emes, atamyz Abaı, batyr babalarymyzdyń tárbıesimen ósken, eliniń qamyn oılaıtyn, jaý shapsa kempir shalyn jaýdan qorǵaıtyn, eli úshin janyn beretin, jastar kerek!"