ÝEFA Chempıondar lıgasynyń 1/8 fınalynda madrıdtyq «Real» Italıanyń «Napolı» klýbyn óz alańynda qabyldady. Al «Bavarıa» úshinshi márte 1/8 fınalynda «Arsenalmen» kezdesti.

«Real» «Napolı»

«Real» ekinshi jyl qatarynan 1/8 fınalynda ıtalıandyq klýbpen kezdesip otyr. Aldyńǵy jyly «Roma» klýbymen kezikse, osy maýsymda koróldik klýb «Napolımen» kezikti. «Real» alań qojaıyny retinde 90 mınýt boıy qonaqtardy qyspaqqa alýmen boldy. Biraq qonaqtar 8-mınýtta alǵashqy múmkindikterin paıdalana alyp, Insıneniń soqqan golymen alǵa shyqty.  Jankúıerleriniń qoldaýymen 18-mınýtta «Real» tarazy basyn teńestirdi. Danı Karvahaldiń áýelete shyǵarǵan pasyna, Benzema baspen gol soǵyp tarazy basyn teńestirdi. Birneshe mınýttan soń Ronaldýnyń gol soǵýǵa múmkindigi boldy, biraq onyń soqqysy qaqpadan tys ketti. 49-mınýtta Ronaldý oń qaptaldan «Napolı» qorǵaýshysyn aldap ótip, dopty Kroosqa jetkizdi, Kroos múlt ketpedi. Al 54-mınýtta aıyp alań syrtynda Kazemıro kútpegen jerden tosyn soqqy jasady. Onyń soqqysyna  Reına qaýqarsyz boldy. Kazemıro soqqan úshinshi gol oıynnyń sońyna deıin saqtalyp qaldy.

Gol avtorlary:

Insıne L. 8-mınýt (Napolı)

Benzema K. 18-mınýt (Real)

Kroos T. 49-mınýt (Real)

Kazemırý. 54-mınýt (Real)

Beıbarys Jumabaı