AQSH-taǵy Oklahoma shtatynyń turǵyny Kerı Iang jatyryndaǵy sábıiniń dúnıe esigin múgedek bolyp ashatynyn estigen soń, báribir bosanýǵa bel býady. Onyń ózindik sebebi de bar eken – kómekke muqtaj naýqas sábıler úshin óz sábıiniń aǵzalaryn qurban etpek. Bul jaıynda sábıdiń bolashaq ákesi Roıs Iang óziniń Facebook paraqshasyna jarıalaǵan.

Sábıdiń mı bólikteriniń damymaı qalǵanyn erli-zaıyptylar júktiliktiń 20-aptasynda bilgen eken. Iaǵnı, sábı dúnıege kelgenimen, boıynda ómir súrýdiń belgileri bolmaıdy.  Sol sátte, áıel balany dúnıege ákelip, aǵzalaryn basqa naýqas balalar úshin aýrýhanaǵa tapsyramyn dep sheshim qabyldaıdy.

«Men qyzymnyń sulý bolǵanyn qalar edim. Qyzymynń táı-táı basqanyn kórgim keledi. Ony qolyma alyp, serýendegim keledi. Bar qıyndyqty ózgertip, tek jaqsylyqqa sengim keledi. Alaıda, bul múmkin emes. Bul – bizdiń shyndyǵymyz», - dep jazdy Roıs Iang paraqshasynda.

Áli týylmaǵan sábıge ata-anasy Eva degen at qoıdy. Olar qazir jas sábıdiń aǵza múshelerin qajet etetin naýqas balalardy izdestirý ústinde. Áıeldiń tolǵaǵy 7 mamyrǵa josparlanǵan eken.

Aýdarǵan: Gúlim JAQAN