Búgin Batys Qazaqstan oblysy advokattar alqasynyń múshesi, zańger Abzal Quspannyń týǵan kúni. Ol, 1978 jyly 23 aqpanda ómirge kelgen.

Abzal Quspan ulttyq máselelerge ún qatyp júrgen tanymal zańger. Ol Jańaózen oqıǵasy kezinde quqyǵy taptalǵan halyqtyń jaǵynda boldy. 2016 jyly tutas respýblıkada halyq óre túregelgen jer máselesinde de únsiz qalǵan joq. Ol únemi ultshyldardyń janynda boldy hám ulttyń sózin sóıledi. Qazaq tildi BAQ betterinde Abzal Quspannyń túrli áleýmettik máselelerge oraı zańgerlik keńesteri jıi jarıalanyp turady. 

Halyqtyń sózin sóılep, isin istep, ultyna adal qyzmet etip kele jatqan azamattardyń biri Abzal Quspandy Táýelsiz "Qamshy-aqparat" qoǵamdyq qory "Qamshy" portaly  2015 jyly Qazaq handyǵynyń 550 jyldyǵyna oraı  "Qazaq handyǵyna 550 jyl" medalimen marapattaǵan bolatyn.