Bir kúnde 10 márte kókónis pen jemis-jıdek jeý adam ómirin uzartady dep topshylaıdy ǵalymdar dep habarlaıdy qamshy.kz. Kókónister men jemis-jıdekterdiń keıbir túri rak pen júrek aýrýlarynyń aldyn alady.

Londondaǵy Imperial college ǵalymdarynyń málimetnshe, kókti kúnine 10 márte jeý jylyna 7,8 mıllıon ólimdi boldyrmaıdy.

Kóktiń bir márte tutyný mólsheri – 80 gram. Banan, almurt, úsh qasyq jańǵaq nemese saýmaldyq 80 gram bolady. Az mólsherdegi kókónis pen jemis-jıdektiń ózi densaýlyqqa paıdaly. Desek te, qanshalyqty ony kóp jese, sonshalyqty densaýlyqqa jaqsy.

Sarapshylar mundaı qorytyndyǵa 95 zertteýdiń nátıjesin kórgennen keıin kelgen. Onda 22 mıllıon adam synaldy. Qorytyndysy International Journal of Epidemiology-de jaryq kórdi.

Ǵalymdar keıbir aýrýlardyń paıda bolýy qaýpin joıatyn kókónister men jemis-jıdekterdi zerttedi. Onkologıalyq aýrýlardy boldyrmaý úshin – sary jáne jasyl tústi kókónisterdi kóp jeý qajet. Máselen, saýmaldyq, burysh jáne túrli-tústi qyryqqabat.

Júrek aýrýlaryn – alma, almurt, sıtrýstyq jemis-jıdekter jáne sharshygúldi kókónister boldyrmaıdy.

Sonymen qatar, jemis-jıdek pen kókónister holesterın mólsherin azaıtyp, qan qysymyn tómendetedi jáne ımmýndik júıeni jaqsartatyn qasıetke ıe.

Dúnıejúzilik densaýlyq saqtaý uıymy kúnine 5 márte (400 gramǵa jýyq) kókónis pen jemis-jıdekti jeýge keńes beredi. Oǵan kóktiń barlyq túri jatady. Alaıda dárigerler DDSU keńesine júginýge kóp adamnyń jaǵdaıy kelmeıtinin aıtady.

Aýdarǵan: Ásem Álmuhanbet