"Ózge Almaty" , "Til saqshysy", "Tarıh tarazysy", "Taǵdyr men Tulǵa", "Bolmys", "Pikirler pıramıdasy" syndy biregeı baǵdarlamalarymen jurt kóńilinen shyqqan «Almaty» telearnasy alataıdaı búlinip jatyr. Osy kúnge deıin irili-usaqty 22 jobany iske asyryp, qazaqtyń qamyn kúıttegen bilikti basshy, qarymdy jýrnalıs Serik Ábikenulynyń da arnadan alystap jatqanyn estidik. Dosan Qyzaıbekuly, Shynar Saǵyndyqova, Nazym Stambekova, Maqsat Erjanuly, Nurbek Túsiphan, Jaras Nıazbek syndy «aqmyltyq» jýrnalıserdiń basyn qosyp, «Almatynyń» deńgeıin alty qyrdan asyrǵan Serik Ábikenulyn syıdyrmaı jatsa, onda telearnada «tereńdegen» saıasattyń júrilip bastaǵany. Biz áriptesimiz Jaras Nıazbekti telearnada bolyp jatqan osy jaǵdaıattar týrasynda áńgimege tartqan edik.

 –  Bul – bıtke ókpelep, tondy otqa jaǵý emes. Ult múddesi men qazaq máselesi tarazyǵa tartylǵan jerde qarap qalý ezdik, ólimmen teń. Qazaq jýrnalıseri qashanǵy qoljaýlyq bolady? Qazaqtyń qazynaly tarıhyn aıta almasaq, týǵan tilimizdi tuǵyryna qondyra almasaq, ultymyzdyń ulyqtyǵyn kórsete almasaq, nesine qalam alyp, jurt aldynda jarqyldap júrmiz?! Kýıanovtaı baz bireýlerdiń aıtqanyna kónip, aıdaýyna júre bergimiz kelmedi. Jumystan bosaǵan 50-60 adam birden jumys taýyp, jaqsy oryndarǵa jaıǵasa ketedi dep oılamaımyn. Bir adam emes, bes adam emes, búkil qazaq bóliminiń jumystan ketýi ultjandy áriptesterdi beı-jaı qaldyra qoımas. Másele bir adamnyń artynan erip ketýde emes, ár qyzmetker bul qadamǵa sanaly túrde, kesip-piship, óz erkimen baryp otyr.

 –   Bul ýájińizdi tek qazaq jýrnalıseriniń atynan aıtylǵan áńgime dep qabyldaımyz ba?

 –  Iá, degenmen ketip jatqandardyń ishinde tek qazaqtildiler emes, orys bóliminiń jýrnalıseri de bar. Ony Kýıanov aıtpaı otyr...

 –   Orys jýrnalıseri jumystan ne úshin ketip jatyr?

 – Olarǵa da qysym bolǵan. Úsh apta buryn Kýıanov Baızaq degen bireýdi orys jańalyqtarynyń redaktory etip otyrǵyzdy. Estýimizshe, ol telearnanyń basqan-turǵan tirshiligin ákimshilikke jetkizip otyrǵan kórinedi. Mundaı jaǵdaı, árıne, jýrnalıserge unamaıdy.

 –  Uzynqulaqtan estýimizshe, Reseı bıligi Qazaqstandaǵy baspasózdi baqylaýǵa alyp otyrý úshin, ulttyq qundylyqtardyń keń qanat jaıyp ketpeýi úshin  mıllıondaǵan qarjy bólip jatyr-mys. Sizderdiń "Almaty" telearnasynda bolyp jatqan jaǵdaı sonyń tikeleı kórinisi emes pe? qalaı oılaısyz?

 –  Ol týraly naqty eshnárse aıta almaımyn, biraq Ultqa qarsy, tilge qarsy, qazaqı qundylyqtarǵa qarsy múddeli top bar. Solar Kýıanovtardyń qolymen ot kósep otyr.