Ońtústik Koreıa prezıdenti Pak Kyn Hege jemqorlyqqa qatysty daý úshin Parlament qabyldaǵan ımpıchmentti Eldiń Konstıtýsıalyq Soty maquldady. Bul týraly BBC-diń orys qyzmeti jazdy. Zańǵa saı Pak Kyn He óz prezıdenttik rezıdensıasyn búgin tastap shyǵýy tıis. Parlament ımpıchmentti 9 jeltoqsanda qabyldaǵan edi, biraq el zańyna sáıkes 60 kún boıy Konstıtýsıalyq sot atalmysh sheshimdi zerttep, búgin ony maquldady.
Esterińizde bolsa Pak Kyn Heniń qurbysy Chhve Sýn Sıl aıaq asty baıyp ketkeni úshin kúdik týyndap, artynsha onyń prezıdenttiń qurbysy ekendigin paıdalanyp, beldi kompanıalardan aqsha bopsalaǵany aıtylǵan edi. Endi mine jemqorlyq ekeýiniń de túbine jetip otyr. Sondaı-aq atalǵan is boıynsha Samsung kompanıasynyń birneshe basshysy da isti boldy.
Aıta ketetin bolsaq, El prezıdentiniń jemqorlyq daýy týyndaǵan soń mıllıondaǵan halyq alańdarǵa shyǵyp, onyń otstavkaǵa ketýin talap etken bolatyn.
64 jastaǵy Pak Kyn He – Ońtústik Koreıanyń 11 Prezıdenti. Ol burynǵy Prezıdent Pak Chon Hıdiń qyzy. Pak Kyn He el basshysy laýazymyna 2013 jyldyń 25 aqpanynda otyrǵan. Ol úılenbegen, balasy joq.
