Germanıanyń Dússeldorf qalasynyń vokzalynda 7 adamdy baltamen jaralaǵan er adam ustaldy, dep habarlaıdy tengrinews jańalyqtar qyzmeti RIA Novostıǵa silteme jasap. Qazirgi kezde shabýyl jasaǵan er adam aýyr jaraqattarmen aýrýhanada jetkizildi. Balta tárkilendi. Vokzal mańyn qorshaýǵa alǵan polıseıler qazir tarap, qylmys jasalǵan oryndarǵa ǵana qorshaý qoıylǵan. Oqıǵaǵa baılanysty poıyzdar toqtatyldy.
"Shabýyl jasaǵan Výppertal qalasynyń 36 jastaǵy turǵyny. Burynǵy Iýgaslavıanyń týmasy. Psıhıkalyq aýytqýshylyqtary bolýy múmkin", - dep habarlaıdy polısıa ókilderi Facebook jelisi arqyly. Jaralanǵan jeti adamnyń úsheýi aýyr jaraqat alǵan. Tergeý jalǵasyp jatyr.
