Árıne, bala ananyń meıirimine toıyp ósýi kerek. Ana meıirimine bólengen bala qaıyrymdy perzent bolyp tárbıelenedi dep jazady ihsan.kz. Alaıda, balany jeti jasqa deıin bólek jatýǵa daǵdylandyrý qajet. Al, on jasqa tolǵan balany anasynyń janyna alyp jatýy durys emes. Paıǵambarymyz (s.ǵ.s.): «...olardyń (on jasqa tolǵanda) tósek oryndaryn bólek etińder»,–degen.

Ibn Abıdın (r.a.): «On jasqa tolǵan balaǵa anasy, ápke-qaryndasy jáne de basqa áıel zatynyń janyna jatýǵa tyıym salynady»,–deıdi. Tósek ornyn bólek etýdegi maqsat málim. On jastaǵy bala jynystyq jaǵynan damı bastaıdy. Uıqy kezinde denesi nemese qoly baıqaýsyz tıip ketýiniń ózi beıádep áreket. Imam án-Naýaýı de: «Er kisi men er kisi, áıel men áıel bir tósekte jatýyna bolmaıdy. Ul nemese qyz bala on jasqa tolsa anasy, ákesi, ápke-qaryndasy jáne aǵa-inisinen bólek jatýy kerek»,-deıdi.