Qysqa alynǵan tyrnaq, gıgıenalyq dalap, tisti kúnine eki ret tazalaý. Bir qaraǵanda, eń durys jáne «salaýatty» ádetter tizimi sekildi kórinedi. Degenmen, shyn máninde, bári óte kúrdeli dep jazady massaget.kz.  

Jyldyń sýyq mezgilinde jaǵylǵan gıgıenalyq dalap

Ǵımarattarda jylý qosylǵanda, bólme ishindegi aýa tym qurǵaq bolady. Eger mundaı jaǵdaıda gıgıenalyq dalap qoldansańyz, onyń quramyndaǵy vazelın ylǵaldy aýadan emes (aýada ylǵal joq), ernińizden sorady. Nátıjesinde, ernińiz odan saıyn qurǵap, al siz ony ylǵaldandyrý úshin dalapty qaıta-qaıta jaǵa beresiz.   

Ǵalymdar zertteýi boıynsha, áıel adam 10 jyl ishinde munaı ónimderiniń negizinde jasalǵan 3 keli tehnıkalyq vazelın «jeıdi» eken. Mamandar qaterli isik vazelınmen tyǵyz baılanysty dep boljaıdy. Oǵan qosa, omyraý qaterli isigine dýshar bolǵan áıel aǵzasyndaǵy gıdrokarbonat (tehnıkalyq vazelın quramyndaǵy zattar) mólsheri saý áıelge qaraǵanda, eki ese kóp bolatyny anyqtalyp otyr.    

 Ne isteý qajet? 

Aýa ylǵaldatqyshyn ornatyńyz. Bólme ishinde aýa ylǵaldylyǵy 60%-dan kem bolmaýy tıis!  

Ara balaýyzynan jasalǵan gıgıenalyq dalap satyp alyńyz.

Kúnine 2 lıtr sý ishińiz.

Ylǵaldandyrý syrttan emes, ishten bolý kerek!  

Eger Siz tyrnaǵyńyzdy qysqa etip qıyp, munyń esh qaýpi joq dep oılasańyz, qatelesesiz. Durys emes alynǵan tyrnaq tyrnaq asty etine ósýi múmkin.   

Eger qysqa alynǵan tyrnaq asty irińdeı bastasa, ne isteý kerek?

Aıaǵyńyzdy býǵa ustap, terisin jumsartyńyz.

Tis tazalaǵysh kómegimen, kishkentaı maqtany tyrnaq astyna tyǵyńyz.

Maqtany tyrnaq astynda 1 kúnge qaldyryńyz: bul tyrnaqty irińdegen jerden sál kóterip, durys ósýine múmkindik beredi.  

Tyrnaq astyndaǵy terige medısınalyq plasyr japsyryńyz.

Etke ósip ketken tyrnaqtyń ushyn óz betińizben alýshy bolmańyz. Aıtylǵan sharalardy jasaǵannan keıin de, jazylmasa, dárigerge baryńyz!  

Ftorly tis pastasy

«Ftorly tis pastasy tis emalin qataıtyp, karıesten saqtaıdy», - dep oılasańyz, siz jartylaı qatelesesiz. 1972 jyly ótkizilgen medısınalyq zertteýlerdiń ózi ftordyń densaýlyqqa qaýipti ekenin dáleldegen. Ol súıekte jınalyp, qaterli isik – osteosarkoma indetin ýshyqtyrady.  

Ne isteý kerek?

Ftorly tis pastasyn paıdalanýdy azaıtyp, mundaı pastany kúnine bir ret qana paıdalanǵan jón. Ftor nesepte, bulshyqet taramdarynda jáne qanda jınalady.  Tisti qarapaıym tis pastasymen nemese tis untaǵymen tazalaý kerek.