Bir top er adamdar kámeletke tolmaǵan qyzdy zorlaǵandaryn Facebook  áleýmettik jelisinde tikeleı efırde kórsetken. Bul týraly qamshy.kz Associated Press-ke silteme jasap habarlaıdy.

Oqıǵa AQSH-ta oryn alǵan. Zardap shekken qyzdyń anasy Chıkago polıseı departamentine 20-naýryz kúni aryzdanǵan. Quqyqqorǵaý organdaryna on bes jasar qyzynyń jeksenbi kúni joǵalǵanyn aıtyp, onlaın-translásıada beınelegen qyzdyń sýretin kórsetken.

Tergeýshiler qyzdy kelesi kúni taýyp ony ata-anasynyń qolyna tabystady.Alaıda, qyzdy qalaı jáne qaı jerde tapqany týraly aqparat belgisiz. Qyzdyń sózine qaraǵanda, qylmyskerdiń bireýi onyń tanysy bolǵan. Alaıda, olardyń jeke bastaryn anyqtaý múmkin bolmaǵan.

On bes jasar qyzdy zorlaýǵa alty adam qatysqan. Al onlaın efırdi qyryq adam kórgen. «Eshkim polısıaǵa habarlasýdy oılamaǵan da» deıdi polısıa qyzmetkerleri.

Facebook áleýmettik jelisiniń pres-hatshysy Andrea Sol kompanıanyń bul týraly eshteńe aıta almaıtynyn, mundaı jaǵdaıdyń óte soraqy ekenin, bundaı kontentti jelige jibermeıtindikterin aıtty.