Forbes jýrnalynyń bıylǵy reıtıńinde 227 mıllıarder áıel bar eken. Bul ótken jylǵymen salystyrǵanda 25 adamǵa kóbirek.

Atalmysh tizimge Qazaqstandyq arýlar enbegenmen, kórshi Reseı Federasıasynyń Elena Batýrına esimdi jalǵyz azamatshasy bar eken. Onyń aqsha qory ótken jolǵymen salytyrǵanda 100 mıllıon dollarǵa azaıyp, qazir jalpy sany 1 mıllıard dollardy qurap otyr.

Álemdik reıtıńte Batýrına 1940 orynǵa turaqtaǵan. Tizimge birinshi ret ilikkender qatarynda Qytaı Halyq Respýblıkasynyń Chjoý Súnfeı esimdi azamatshasy bar. Onyń Lens Technology kompanıasy telefonǵa arnalǵan ekran óndirisimen aınalysady. Bul kásipti bastaý úshin Súnfeı az eńbektenbegen. Qazirgi tańda onyń kompanıasy 9,7 mıllıard dollarǵa baǵalanyp otyr, al, jeke qory 7,7 mıllıard dollardy quraıdy.

14 oryndy L'oreal korporasıasynyń negizin qalaýshy Ejen Shýlerdiń murageri Lılıan Bettankýr ıelendi. Bul kosmetıkalyq kompanıa arqyly da baıýǵa bolatyndyǵynyń belgisi.

17 orynǵa tanymal Walmart dúkender jelisiniń ıesi Sem Ýoltonnyń Elıs Ýolton esimdi qyzy turaqtady.

Baı bıkeshter tizimine ilikkender qatarynda bizge azdy-kópti tanys tulǵalar osylar ǵana. Mıllıarder áıelder de, sýretshi áıelder sekildi asa tanymal emes bolyp shyqty. Bul genderlik teńsizdikpen baınalysty ma? Biraq, genderlik teńsizdik jurt shýlaǵandaı aıqyn baıqalatyn bolsa, bul bıkeshter kásipker atanyp, oǵan qosa baıyp alar ma edi?!

Derekkóz: massaget.kz