Bıyl Baıanaýylǵa áýejaı salynady. Pavlodar oblysyna qarasty «Baıanaýyl» ulttyq memlekettik tabıǵı parki «Astana EKSPO -2017» halyqaralyq kórmesi quramyna kirip otyr. Osyǵan oraı sheteldik týrıserdiń kelip ketýin jeńildetý jáne jedeldetý maqsatynda ulttyq tabıǵı park aýmaǵyna ushyp qoný jolaǵy tóseledi. Ol jerge árıne salmaǵy aýyr úlken ushaqtar qona almaıdy. Biraq shaǵyn ushaqtar men tikushaqtar úshin qolaıly jaǵdaı jasaýǵa múmkindik bar. Oblystyq búdjetten tıisti qarajaty bólingen.
Baıanaýyl taýly ólke, ushaqtardyń qonyp ushýyna yńǵaıly jazyq jer tabý qıyn. Biraq 15-20 jolaýshyǵa arnalǵan shaǵyn ushaqtar úshin uzyndyǵy 1200 metr bolatyn ushý jolaǵy jetkilikti. Buıyrtsa «Astana EKSPO» kórmesine kelgen sheteldik týrıserdiń óz ýaqyttaryn únemdeýge múmkindikteri bolady.
Baıanaýyl qysy jazy týrıserden bosamaıdy. Jyl saıyn shetelden 150 myńdaı qonaq keledi. Al bıylǵy boljam boıynsha baıanaýyldyqtar jarty mıllıon týrısi kútip otyr. Sol úshin tabıǵı parkte jáne aýdan ortalyǵynda kúrdeli abattandyrý jumystary júrgiziledi. Osy maqsatta oblystyq búdjetten 6 mlrd. teńgege jýyq qarjy bólinip qoıǵan.
Baıanaýldyń esh jerge uqsamaıtyn erekshe tabıǵatyna tamsanbaý múmkin emes. Qazir bul aımaqqa ǵalymdardyń nazary aýa bastaǵan. Óıtkeni florasy men faýnasy áli túgel ashylyp bitpegen. Byltyrdyń ózinde Pavlodar memlekettik ýnıversıtetiniń ǵalymdary kóbelektiń jańa bes túrin anyqtaǵan. Endi olardy qyzyl kitapqa engizbekshi.
SÚIİNDİK AHMETJANOV "BAIANAÝYL" ULTTYQ TABIǴI PARKİNİŃ DIREKTORY
Zerttesek áli de bar, áli qupıada jatyr. Áli zertteý kerek. Faýnada jatqan kóp qupıany ashsaq. Qaraǵandy ýnıversıteti ǵalymdary jumys isteıin dep jatyr, osyndaı ǵylymı jumystarmen. Bizde óte sırek kezedsetin ósimdikter bar, solardy zertteımiz dep otyr. Qyzyl kitapqa kirgizemiz deıdi.
Jalpy Baıanaýyl 1926 jyldan bastap qorǵaýǵa alynǵan. Al 32 jyl buryn ulttyq memlekettik tabıǵı parki bolyp quryldy. Qazir kólemi 69 myń gektarǵa jýyqtaıdy. Mamandardyń, bolashaqta taǵy ulǵaıtsaq degen jospary bar.
Ǵabıt Uzaqbaı
