Qanat Islamnyń jekpe-jegi Astananyń qaı sport kesheninde ótetini belgili boldy

    Assem Almuhanbet
    Qanat Islamnyń jekpe-jegi Astananyń qaı sport kesheninde ótetini belgili boldy

    9 qyrkúıekte Astanada kásipqoı boks  keshi "Saryarqa" velotreginde ótedi. Bul týraly Qanat Islamnyń PR menedjeri Berik Sultan óziniń Feısbýk paraqshasynda jazdy.

    Aıta keteıik, atalmysh sport kesheniniń sıymdylyǵy 10 myń adam. Jekpe-jekti tamashalaýǵa 13 myń adam keledi dep kútilýde. Sondyqtan, rıng aınalasyna 2-3 myń oryndyq qoıýǵa bolatyny da eskerilgen.  Jekpe-jek aldynda 3 baspasóz maslıhaty jáne ashyq jattyǵý ótedi.

    «Áriptester suraqtaryn jekpe-jektiń qyzýy basylmaı jatyp qoıyp qalýy úshin, jekpe-jek bitisimen Saryarqa velotreginiń baspasóz zalynda boksshylardyń qatysýymen resmı baspasóz maslıhatyn jasaımyz. Al jekpe-jekke bılet shamamen 1-shi tamyzda satylymǵa shyǵady. Baǵalar qoljetimdi bolady» dep jazdy Berik Sultan.

    Esterińizge sala keteıik, kásipqoı boks keshiniń basty jekpe-jeginde jeńilip kórmegen boksshy Qanat Islam judyryqtasady. Qanat Islamnyń PR menedjeri elimizdiń maqtanyshy, álem chempıony Beıbit Shúmenov te osy boks keshi aıasynda jekpe-jek ótkizetinin aıtty. Sondaı-aq  basqa da kásipqoı boksshylarmen kelis sózder júrgizilýde.
     


     

    Qatysty Maqalalar